Julian Assange survegn asil en l'Ecuador

Julian Assange, il fundatur da WikiLeaks, survegn asil en l'Ecuador. Quai ha la regenza dal pajais Sidamerican decidì oz suentermezdi. Assange era scappà avant 7 emnas en l'ambassada equatoriala a Londra ed aveva dumandà là per asil en l'Ecuador.

Julian Assange da Wikileaks. Bild in Lightbox öffnen.

Legenda da maletgs: Julian Assange da Wikileaks. Reuters

Dapi lura creschan las tensiuns tranter la Gronda Britannia e l'Ecuador. La regenza britannica ha perfin smanatschà d'entrar cun forza en l'ambassada equatoriala e d'arrestar Assange. Il ministeri da l'exteriur da la Gronda Britannia ha annunzià da na betg laschar partir Assange en l'Ecuador. Al fundatur da la plattafurma da scuvertas WikiLeaks vegnan reproschads delicts sexuals en la Svezia. Assange tema che la Svezia pudess surdar el a las autoritads dals Stadis Unids. (aw/sda)