Missiun-86

Dario Cologna, Carlo Janka, Nino Schurter, Eligius Tambornino, Sandro Viletta èn tuts dal Grischun e da l'annada 1986. Cun success cumbatta els en lur disciplinas per medaglias. Hani dentant era success en in team? Quai ha la Televisiun Rumantscha vulì savair. L'emprim d'avrigl è vegnì surdà a Sagogn als tschintg sportists la missiun 86. La missiun è stada da cuschinar pulenta sur il fieu per 20 persunas.

Plaz Cadruvi a Sagogn Bild in Lightbox öffnen.

Legenda da maletgs: Plaz Cadruvi a Sagogn RTR

Gievgia curt avant las indesch arriv jau cun l'auto da posta a Sagogn. Sco quai ch'i ha gì num sajan las collegas ed ils collegas da la Televisiun Rumantscha sin il plaz Cadruvi. Arrivà là, era dentant nagin d'enturn. Mo dus pavigliuns eran amez il plaz. Duas maisas e bancs, in'avnaun, ina palutta, in pau laina ed ina sigir.

Inscripziun vid ina chasa sper il plaz Cadruvi a Sagogn Bild in Lightbox öffnen.

Legenda da maletgs: Inscripziun vid ina chasa sper il plaz Cadruvi a Sagogn RTR

Quai è dentant betg da smirvegliar. Da quell'aura chatsch'ins gnanc giuadora in chaun. I naiva numnadamain grossas e bletschas scrottas. Qua na gida gnanc il verset cun il sulegl che fa parada vid la fatschada da la chasa a l'ur da la plazza Cadruvi.

I dat bler da preparar avant ch'ins po cumenzar a filmar Bild in Lightbox öffnen.

Legenda da maletgs: I dat bler da preparar avant ch'ins po cumenzar a filmar RTR

Ditg na stoss jau betg tschertgar. Las collavuraturas ed ils collavuraturs da la TvR han chattà suttetg en l'Ustria sil plaz. En ina pitschna sala sa preparan umens da camera e da tun per las registraziuns.

Petra Giger, l'autura dal film per il Cuntrasts Bild in Lightbox öffnen.

Legenda da maletgs: Petra Giger, l'autura dal film per il Cuntrasts RTR

Amez quest schuschuri è era la redactura responsabla per il film che vegn fatgs oz a Sagogn. Petra Giger è in pau gnervusa ed è ina giada al telefon, in'autra giada controllescha ella che gea tut saja semtgà e coordinescha quai e tschai.

La producenta Bertilla Giossi prepara l'urden che stat a disposiziun als sportists Bild in Lightbox öffnen.

Legenda da maletgs: La producenta Bertilla Giossi prepara l'urden che stat a disposiziun als sportists RTR

Curt avant las dudesch hai lura num bandunar il chaud ed ir ora sin il plaz. Las ultimas chaussas vegnan anc preparadas. In per chaussettas vegnan numnadamain messas a disposiziun als sportists per lur missiun.

Collavuraturas e collavuraturs Bild in Lightbox öffnen.

Legenda da maletgs: Collavuraturas e collavuraturs RTR

Anc spert ina fotografia da gruppa...

Petra Giger spetga sin ils protagonists Bild in Lightbox öffnen.

Legenda da maletgs: Petra Giger spetga sin ils protagonists RTR

... e lura ha in num spetgar sin ils sportists. Quels avessan mintga mument da vegnir, sch'i chattan il lieu. Mo Sagogn n'è betg uschè grond l'entira equipa da la TvR è strusch da survesair.

Carlo Janka arriva Bild in Lightbox öffnen.

Legenda da maletgs: Carlo Janka arriva RTR

Il pli curt viadi ha Carlo Janka ed el è lura era l'emprim dals tschintg sportists ch'arriva a Sagogn. Era ils auters sportists arrivan in suenter l'auter.

Ils sportists vegnan sisur tge che la missiun 86 è propi Bild in Lightbox öffnen.

Legenda da maletgs: Ils sportists vegnan sisur tge che la missiun 86 è propi RTR

Cura che tuts èn arrivads declera Petra Giger als sportists tge che la missiun 86 è insumma. Quels na savevan gea betg tge ch'i hajan da far a Sagogn. La missiun è da far pulenta sur il fieu e servir quella a 20 persunas envidadas cun groma e chaschiel. Quai ch'i dovra dentant per far pulenta ston ils tschintg sportist organisar tar las vischinas ed ils vischins da Sagogn.

Ils sportists na san anc betg propi nua cumenzar Bild in Lightbox öffnen.

Legenda da maletgs: Ils sportists na san anc betg propi nua cumenzar RTR

Jau crai ch'igl era in pau ina situaziun particulara per ils sportists. Quai schegea ch'els èn endisads cun cameras e microfons. Nagin leva propi esser il schef e prender l'iniziativa e dir nua u cun tge cumenzar. Suenter in mument èn las cameras dentant stadas emblidadas.

Ils sportists curran prest dal vitg si uschia che l'um da camera e l'um da tun pon strusch suenter Bild in Lightbox öffnen.

Legenda da maletgs: Ils sportists curran prest dal vitg si uschia che l'um da camera e l'um da tun pon strusch suenter RTR

Emblidà las cameras hani propi. Cura ch'Eligius e Nino èn ids dal vitg si, per ir a la tschertga d'in recept per far pulenta, gievan els uschè spert ch'ils umens da tun e camera na pudevan betg suenter.

Dario, Carlo e Sandro studegian tge scriver sin l'invitaziun Bild in Lightbox öffnen.

Legenda da maletgs: Dario, Carlo e Sandro studegian tge scriver sin l'invitaziun RTR

En il medem mument studegian Dario, Carlo e Sandro ora la chavazza tge scriver sin las invitaziuns.

In giat che contempla in pau irrità il cunfar Bild in Lightbox öffnen.

Legenda da maletgs: In giat che contempla in pau irrità il cunfar RTR

Per far pulenta dovri sa chapesch era ingredienzas e na betg mo il recept. Ed uschia èn ils sportists puspè sa mess sin via per dumandar las vischinas ed ils vischins da Sagogn per las ingredienzas. Curius n'han betg mo il giat guardà cura ch'el ha vis la colonna ch'era sin via tras las streglias da Sagogn, ...

Avant isch tar ina vischina da Sagogn Bild in Lightbox öffnen.

Legenda da maletgs: Avant isch tar ina vischina da Sagogn RTR

... mabain era las vischinas ed ils vischins. Mintga di na stattan betg sportists uschè enconuschents avant isch. Entant ch'il plaschair è grond da vesair ils sportists avant l'agen isch, schocheschan cameras, microfons ed apparats da fotografar plitost.

Las ingredienzas rimnadas Bild in Lightbox öffnen.

Legenda da maletgs: Las ingredienzas rimnadas RTR

Damai ch'igl è l'emprim d'avrigl na vulan las vischinas ed ils vischins betg propi crair che quest'acziun è propi seriusa. Il resultat da la visita tar vischinas e vischins salai malgrà quai tuttina vesair.

Nino, Eligi e Dario fan fieu Bild in Lightbox öffnen.

Legenda da maletgs: Nino, Eligi e Dario fan fieu RTR

Suenter l'emprima sceptica, schebain la laina brischia insumma hai dà in stupent fieu.

Plaun a plaun chattan las vischinas ed ils vischins la via sin plaz Cadruvi Bild in Lightbox öffnen.

Legenda da maletgs: Plaun a plaun chattan las vischinas ed ils vischins la via sin plaz Cadruvi RTR

Adina dapli persunas han tuttina gì marveglias tge che capita propi oz si il plaz Cadruvi. Ed in ni l'auter è lura era surstà ch'i na sa tracta tuttina betg d'ina sgnocca d'emprim avrigl.

Sandro vid il turschar la pulenta Bild in Lightbox öffnen.

Legenda da maletgs: Sandro vid il turschar la pulenta RTR

Forsa ha era Son Peder survegnì buna luna da quest'acziun. Ni forsa ha el survegnì gust da la pulenta che para da gartegiar stupent. L'aura è numnadamain in pau meglra ch'avant mezdi.

Nino instruescha Sandro, co ch'el ha da leger il rumantsch Bild in Lightbox öffnen.

Legenda da maletgs: Nino instruescha Sandro, co ch'el ha da leger il rumantsch RTR

Avant ch'ils envidads vegnan èsi anc da scriver in pled. Era quai è in pensum da la missiun. Il pled vegn sa chapescha fatgs per rumantsch. Leger el sto dentant Carlo. Decidì quai han ils sportists rumantschs uschia che Carlo ha gì pauca schanza da sa defender. Per ch'ì gartegi lura era datti agid da Nino. El declera a Carlo co che tge sto vegnir pronunzià.

E lura, gusta la pulenta? Bild in Lightbox öffnen.

Legenda da maletgs: E lura, gusta la pulenta? RTR

Per ch'il past saja cumplet dovri anc groma. Bain chapì groma tratga. E quai na vegn betg fatg cun il mixer. Na per sportists da renum cun talas cundiziuns è la groma da trair a maun.

Pitschen e grond ha laschà gustar la pulenta Bild in Lightbox öffnen.

Legenda da maletgs: Pitschen e grond ha laschà gustar la pulenta RTR

Entant arrivan ils osps. Els dastgan prender plaz e la pulenta vegn servida. Pitschen e grond lascha gustar la pulenta.

L'avauna vida Bild in Lightbox öffnen.

Legenda da maletgs: L'avauna vida RTR

Igl è vegnì uschè blers ch'i è vanzà gnanc in sulet tschadun pulenta pli. L'avnaun è vita. Sche la missiun 86 è dentant grategiada e sche la pulenta ha era gustà, quai pudais guardar en ils Cuntrasts dals 2 da matg 2010.

Ils autograms dals sportists èn tschertgads tar ils fans da Sagogn Bild in Lightbox öffnen.

Legenda da maletgs: Ils autograms dals sportists èn tschertgads tar ils fans da Sagogn RTR

Cun servir la pulenta n'è la missiun betg stada a fin per Dario, Carlo, Nino, Eligius e Sandro. Ils da Sagogn han numnadamain prendì la chaschun ed han laschar dar plunas autograms avant che laschar ir a chasa ils sportists.

Fotogalaria missiun 86 Bild in Lightbox öffnen.

Legenda da maletgs: Fotogalaria missiun 86 RTR