Attenziun è essenzial

Capità èsi spert. Ina secunda nunconcentrà, e l'accident è inevitabel. Tgi che va cun auto, cun velo u a pe, sto dar adatg, era sin tschels participants da traffic. Perquai retschaivan gia ils uffants en scolina ed en scola primara educaziun da traffic. La polizia da la citad da Cuira instruescha dentant era ils scolars dal stgalim superiur.

Ils scolars da la secunda classa superiura en la scola Quader taidlan tiers al policist Gian-Rico Keller. Bild in Lightbox öffnen.

Legenda da maletgs: Ils scolars da la secunda classa superiura en la scola Quader taidlan tiers al policist Gian-Rico Keller. RTR, A. Hendry

In auto dovra 70m fin ch'el tegna airi In auto che charrescha cun ina spertadad dad 80 kilometers l'ura dovra minimum 70 meters, avant ch'el sa ferma. Sche la via è bletscha schizunt 90 meters. Questa cifra fa impressiun als scolars. Els emprendan, con ditg ch'ins dovra per reagir, quantas infurmaziuns ch'il tscharvè percorscha per secunda e tge resti ch'ins stuess trair en, per esser meglier visibels per ils automobilists. Ils scolars taidlan las infurmaziuns, els èn dentant da l'avis, ch'els sappian gia, co sa cuntegnair sin via. Finamira da l'educaziun da traffic La finamira da l'educaziun da traffic è, ch'ils giuvenils sajan pli precauts sin via, ch'els mirian sin tschels e ch'els eviteschian uschia accidents. Na fiss ina scolaziun pratica betg pli efficazia? Cun far experiments cun velos e mopeds, cun seser en in auto che fa ina franada totala, cun laschar sentir las forzas. Cler, di il policist Gian-Rico Keller, che maina ils curs. Dentant per lecziuns praticas manchia il temp. (rtr/ah/sh)

(RR novitads a las 06:00)