Sistem global da finanzas

Offshoring, fondo monetari, hedge fund, secret da bancas, Bretton Woods, il tema finanzas è omnipreschent. Ma tge san ins atgnamain dal sistem global da finanzas? En vista a l'inscunter suprem dals G20 a Londra sur da l'economia mundiala ha il Radio Rumantsch drizzà il microfon sin intgins puncts impurtants, analisà e tschentà els en dumonda. Il Radio Rumantsch ha discurrì cun spezialists ord ils secturs da products da finanzas.

Daners Bild in Lightbox öffnen.

Legenda da maletgs: Daners Keystone

Tge è atgnamain in hedge fund?

Hedge funds ruineschan firmas, bancas ed entiras terras. Hedge funds ston pia esser nauschs e ston vegnir controllads. Dentant i dat ina massa da quels. E cun hedge funds pon ins gudagnar blers daners. Forsa n'èn els gnanc uschè nauschs? Il Radio Rumantsch ha discurrì cun spezialists or dals secturs da products da finanzas.

Tge èn propi oasas fiscalas?

La Svizra, l'Austria, il Luxemburg, il Singapur, il Hongkong - bainbaud betg pli. Suenter che terras sco ils Stadis Unids da l'America e l'Engalterra han fatg squitsch, hai num che las oasas fiscalas setgentian plaunsieu vi. Ma da l'auter maun han las terras che han fatg squitsch lur atgnas oasas fiscalas - Delaware en ils Stadis Unids u las British Virgin Islands. Fugian ils daners uss ord la Svizra e las autras terras che han dà suenter al squitsch?

Mai pli uschia ina crisa!

A l'inscunter suprem dals G20 a Londra duai vegnir discutà surlonder, co i saja da reagir sin la crisa. I vegn pretendì da regular e da refurmar. Mo crisas hai adina puspè dà. E reacziuns sin las crisas hai era adina puspè dà. Daco che las reacziuns èn quasi stadas per il giat, e tge factur che para responsabel per tuttas crisas da l'ultim temp.

Tge èn propi IMF e Worldbank?

Fondo Monetari Internaziunal. Quai tuna da daners, da blers daners. Dentant il Fondo Monetari Internaziunal ha problems cun daners - el ha memia paucs. Daco che quai è uschia, tge rolla ch'il Fondo Monetari gioga en il mund e tge ch'ils stadis G20 manglassan midar vidlonder - e gea - tge è atgnamain la banca mundiala?