La structura da la baselgia catolica

Avant che dar in'egliada sin las structuras da la baselgia catolica guardain nus in stgalim anc pli aut. Numnadamain sin la baselgia en general ed il cristianissem.

Baselgia Sontg'Onna, Camischolas, Tujetsch, Piz Nair, Sedrun Bild in Lightbox öffnen.

Legenda da maletgs: Baselgia Sontg'Onna, Camischolas, Tujetsch, Piz Nair, Sedrun swiss-image.ch

La cuminanza dals cristians

Il term "la baselgia" stat per la cuminanza da tut ils cristians. En tut inditgeschan passa 2 milliardas carstgauns ch'els sajan cristians. La baselgia è primarmain ina cuminanza da cardientscha, fundada da Jesus da Nazaret, ina persuna istorica dal prim tschientaner, ch'ha vivì en Palestina en il Proxim Orient. Da quest temp era quai ina colonia da l'Imperi roman. La successiun entaifer la baselgia è reglada entras Jesus Cristus sez ch'ha surdà quell'incumbensa a l'apostel Simon Pieder (Ti es il grip). L'imperatur Constantin il Grond cloma 325 a l'emprim concil a Nicäa. El proclamescha il cristianissem sco religiun uffiziala da ses imperi.

Las differentas confessiuns

La Bibla Bild in Lightbox öffnen.

Legenda da maletgs: La Bibla colourbox.com

Il cristianissem è ina religiun abrahamitica e monoteistica, vul dir ina religiun ch'enconuscha in sulet dieu. Ils cristians crain che Jesus è il figl da Dieu e crain en la Bibla, la Sontga Scrittira dals cristians. Da la religiun dal cristianissem datti pliras confessiuns: - catolicissem - ortodoxa - angelicanissem - protestantissem Entaifer il catolicissem datti diversas baselgias parzialas (roman, bizantin, alexandrin, antiochin, armenic, caldaic) cun lur divers ritus. Entaifer il catolicissem datti diversas baselgias parzialas (roman, bizantin, alexandrin, antiochin, armenic, chaldaic) cun lur divers ritus.

La baselgia catolica

Urbi et orbi, la benedicziun dal Papa Benedetg XVI. Bild in Lightbox öffnen.

Legenda da maletgs: Urbi et orbi, la benedicziun dal Papa Benedetg XVI. Keystone

La baselgia roman-catolica u baselgia catolica è la pli gronda organisaziun dal mund cun passa ina milliarda persunas che confessan d'appartegnair a quell'organisaziun. Il parsura da quest'organisaziun è il papa. El è il medem mument era il chau dal stadi vatican, in stadi suveran, creà 1929 entras ils contracts dal Lateran. La furma dal stadi è ina monarchia electiva. Quai vul dir, ina monarchia nua ch'il post dal regent na vegn betg ertà, mabain nua ch'il regent vegn elegì. Electurs dal papa èn ils cardinals.

Sistem dual

Nus stuain distinguer tranter la baselgia catolica universala cun sia sedia a Roma e la structura da las baselgias localas cun differentas structuras d'in pajais a l'auter. Nus ans concentrain sin la baselgia catolica en Svizra e sias relaziuns cun l'organisaziun da la baselgia universala a Roma.

La structura da la baselgia catolica cun exempel da la Svizra. Bild in Lightbox öffnen.

Legenda da maletgs: La structura da la baselgia catolica cun exempel da la Svizra. RTR

En Svizra essan nus disads cun in'ierarchia democratica. En ina democrazia na vegni cumandà nagut. Qua pon tuts decider tge che capita. La baselgia catolica è ina organisaziun monarchica, nua ch'il papa cumonda sulet. Uschia n'èsi betg da smirvegliar ch'i dat conflicts tranter ils dus sistems. Mo quai n'è betg tut. I vegn anc in zichel pli cumplex. Per che la baselgia catolica possia per exempel far pajar taglia ses cartents, haja access a scolas (instrucziun da ductrina) u ad autras instituziuns statalas (ospitals, praschuns, armada), dovra la baselgia in ulteriur sistem d'organisaziun che sa drizza al dretg public, vul dir ch'è sumegliant al dretg democratic da la Svizra. Uschia datti en prest tut ils chantuns da la Svizra ina baselgia chantunala che suttastat a quest dretg. Quella è per il pli organisada sumegliant ad in parlament chantunal. En quest parlament èn persunas laicas. Sin stgalim communal èsi las plaivs che funcziunan tenor il dretg public.

Il sistem dual da la baselgia catolica en Svizra. Bild in Lightbox öffnen.

Legenda da maletgs: Il sistem dual da la baselgia catolica en Svizra. RTR

Uschia datti tar la baselgia en Svizra duas structuras. D'ina vart quella dal dretg canonic che regla las chaussas internas da la baselgia e da l'autra vart quella dal dretg statal che regla las chaussas "mundanas" da la baselgia, sco per sumeglia incassar las taglias, administrar ils bains da las plaivs u da las diocesas. Quellas sa cuntradin vicendaivlamain. Entant ch'il dretg canonic è in dretg che vala sin l'entir mund catolic ed è ierarchic, è il dretg statal in dretg primarmain communal e democratic en Svizra.