Guardar rumantsch - 50 onns Televisiun Rumantscha

Ils 17 da favrer 1963 è vegnida mussada l'emprima emissiun televisiva rumantscha: il Balcun tort. Dapi 50 onns cumpara il rumantsch ussa regularmain en televisiun - oz cun var 100 minutas d'emissiun per emna.

En la memoria e sin ils films da RTR Radiotelevisiun Svizra Rumantscha èn da chattar ina massa istorgias - anecdotas da 50 onns televisiun or dal mund rumantsch. Quellas istorgias ha RTR emess durant il mais da favrer 2013. Nus avain raquintà 50 differentas istorgias, per mintg'onn ina! Quellas èn da vesair, udir e leger sin questa pagina.

Truvaglias

Dapi l'onn 1963 hai dà uras ed uras program televisiv rumantsch. Restà da tut quellas emissiuns èn chaus, emissiuns, istorgias, memorias e natiralmain era truvaglias. Durant l'onn 2013 avain nus preschentà mintg'emna ina nova truvaglia.

Cudesch: Charas aspectaturas, chars aspectaturs

Cuverta dal cudesch per il giubileum da la TR. Bild in Lightbox öffnen.

Legenda da maletgs: Cuverta dal cudesch per il giubileum da la TR. RTR

Ils 17 da favrer 1963 è vegnida transmessa l'emprima emissiun da televisiun en lingua rumantscha; il "Balcun tort". Il cudesch "Charas aspectaturas, chars aspectaturs - 50 onns Televisiun Rumantscha" da Madlaina Bundi repassa il svilup da quel mez tschientaner. Numerusas persunas activas davant e davos la camera vegnan a pled. Ed era in sguard sin la televisiun dal futur na manca betg. Von der ersten Sendung aus den Studios des Fernsehens DRS in Zürich bis heute zeigt das Buch "Charas aspectaturas, chars aspectaturs - 50 Jahre Televisiun Rumantscha" anhand von Geschichten, Bildern und O-Ton von Beteiligten die Entwicklung und Aufbauarbeit zum heutigen Medium. Hier finden Sie den deutschen Text der Publikation die im Oktober 2013 zum 50jährigen Jubiläum der Televisiun Rumantscha in der "Chasa Editura Rumantscha" erschienen ist.

Preschentaziun dal cudesch dals 22-10-2013

Festivar 50 onns Televisiun Rumantscha

cuntrasts-20130825

Ils 17 da favrer 1963 ha il studio da Turitg emess l'emprima emissiun rumantscha, il "Balcun tort". Per festivar quest giubileum ha la Televisiun Rumantscha envidà passa 300 giasts ad ina festa. Persunas che han lavurà davant e davos la camera, persunas rumantschas, mo era na rumantschas che han cun lur savida e simpatia sustegnì la Televisiun Rumantscha. L'act festiv preschenta las 5 decadas da la Televisiun Rumantscha cun films, pleds, musica e reminiscenzas dad actuals ed anteriurs moderaturs e moderaturas. Ils Cuntrasts mussan las ivettas da questa festa.

Impressiuns da la festa

Ina idea torta - l'emprima emissiun da la Televisiun Rumantscha

cuntrasts-20130217

Avant 50 onns ha la Televisiun Rumantscha emess l'emprim "Balcun tort". Quest'emissiun entira n'è betg vegnida archivada cumplettamain. En las gasettas è quest "Balcun tort" vegnì crititgà e ludà ed uschia èsi stà pussaivel da reconstruir quest'emissiun. Il "Balcun tort" è daventà legendar! Quai è era l'idea d'Angelica Biert - actura e vaiva dal piunier Clà Biert - e da Paulina Caduff ed Edith Hossle, las anteriuras collavuraturas da Radiotelevisiun Svizra Rumantscha. Ellas sa regordan dal "Balcun tort", dal piunier Tista Murk e co ch'i vegniva lavurà pli baud. Cun lur raquints e cun ils artitgels da las gasettas dal 1963 raquinta il film da Susanna Fanzun l'istorgia da quest'emprima emissiun da la Televisiun Rumantscha avant 50 onns.

Il Muschkito - mustgin, mustgun u pitgalain

Logo da l'emissiun Muschkito. Bild in Lightbox öffnen.

Legenda da maletgs: Logo da l'emissiun Muschkito. RTR

Dumengia saira, ils 11-11-1990, curt suenter las sis emetta la Televisiun Rumantscha per l'emprima giada il magazin "Muschkito". Cun tempo vegnan preschentadas istorgias e contribuziuns piztgantas. En mira èn l'uvestg Haas, Heidi, Bernard Cathomas u ils condoms rumantschs. Il "Muschkito" daventa per trais onns il stgarnuz da surpraisas da la TR, in'emissiun che irritescha, fascinescha e procura per stgandel. Ed ella survegn il predicat "l'emissiun la pli garmadia ed innovativa da tut ils programs da la SRG/SSR." Nus dain in sguard en noss archivs e discurrin cun ils redacturs da quella giada.

"Tge fa atgnamain..."

En il decurs dals ultims 50 onns ha la Televisiun Rumantscha purtretà bleras persunas enconuschentas e main enconuschentas. En ina seria tant en il Telesguard sco er al radio ha RTR visità talas persunas ed è sa dumandà: Tge fan qustlas persunas oz?

Anecdotas

Durant ils ultims 50 onns han ins pudì guardar bleras emissiuns rumantschas da televisiun. E durant quels 50 onns hai dà bleras anecdotas en la Televisiun Rumantscha - nus avain laschà reviver anc ina giada las meglras da questas anecdotas.

Festas, figuras e frisuras

Luisa Famos è stada l'emprima moderatura da la Televisiun Rumantscha - oz modereschan Victoria Haas, Isabella Wieland ed Otmar Seiler il Telesguard. Tgi ha moderà tranteren? Ina seria en il Telesguard è ida a la tschertga da figuras cun lur frisuras dals davos 50 onns Televisiun Rumantscha.

Las vuschs da la via

L'emprim Balcun tort ha rapportà da la Lumnezia. Han ils Lumnezians insumma vis questa emissiun? Las emprimas televisiuns e las installaziuns en chasa èn vegnidas fatgas per il pli d'in electricist. Tgenina era vossa emprima televisiun? Questas ed autras dumondas en connex cun la televisiun e davart emissiuns da la Televisiun Rumantscha avain nus fatg a differentas persunas.

Persunalitads

50 onns Televisiun Rumantscha - 50 onns cun bleras persunalitads en la Televisiun Rumantscha. As regurdais anc dal moderatur Ernst Denoth - il pli bel um rumantsch? U d'Edith Hossle, la bun'olma da la Televisiun Rumantscha? Intginas da las persunalitads sa regordan.

Rapports da las autras interpresas da la SRG SSR

Era collegas da las autras unitads d'interpresa han rapportà dal giubileum da la Televisiun Rumantscha. Qua chattais vus ils links per questas contribuziuns.

(gh/md)