Tar-las-guardias-da-cunfin

Avant circa dus onns èsi vegnì discutà bler dals cunfins e las controllas che vegnan fatgas als cunfins; evocà las discussiuns ha la votaziun davart la circulaziun libra da persunas en l'UE. En quest connex gioga la guardia da cunfin ina rolla impurtanta. En las medias audan ins dentant pauc dals daziers. En ina seria avain nus dà ina survista da la lavur da las guardias da cunfin e lur incumbensas. Redacziun: Roman Liesch

La guardia da cunfin svizra

Vista dal cunfin da La Motta en direcziun Livigno Bild in Lightbox öffnen.

Legenda da maletgs: Vista dal cunfin da La Motta en direcziun Livigno RTR, R. Liesch

Guardia da cunfin, Schengen, uniun da duana europeica; quai èn be intgins chavazzins ch'ins auda magari en connex cun ils cunfins. Ma tge sa zuppa tut davos quests chavazzins? Nus dain ina survista tge che quels terms muntan.

La lavur al cunfin

Ina guardia da cunfin avant la chasa dal cunfin Bild in Lightbox öffnen.

Legenda da maletgs: Ina guardia da cunfin avant la chasa dal cunfin RTR, R. Liesch

Mintgin ch'è gia ina giada ì sur in cunfin svizzer enconuscha la procedura: u ch'ins astga passar tras il dazier senza vegnir controllà u ch'il dazier ferma ins e dumonda sch'ins ha cun sai raubas. Ed alura datti ina controlla pli detagliada. Nus avain guardà sur la spatla ad ina guardia da cunfin tge che vegn tut controllà tar uschia ina controlla.

Collavuraziun cun polizias d'auters pajais

Il biro da colliaziun a Schaanwald (FL) Bild in Lightbox öffnen.

Legenda da maletgs: Il biro da colliaziun a Schaanwald (FL) RTR, R. Liesch

A Schaanwald (FL) hai in biro da colliaziun nua che la guardia da cunfin svizra po contactar las polizias d'auters pajais. Quai duess gidar da meglierar la collavuraziun tranter las polizias europeicas. Nus avain visità il biro da colliaziun per guardar co che la collavuraziun tranter las polizias europeicas funcziunescha.

La lavur d'in post mobil da la guardia da cunfin

L'equipament da la guardia da cunfin en l'auto. Bild in Lightbox öffnen.

Legenda da maletgs: L'equipament da la guardia da cunfin en l'auto. RTR, R. Liesch

La guardia da cunfin n'ha betg be posts sin ils cunfins. Er en l'intern dal pajais han ils daziers posts nua ch'els lavuran. In exempel per uschia in post da guardia e quel a Samedan. Da là or van ils daziers a far controllas als cunfins e surveglian er l'eroport da Samedan. Nus avain visità ina persuna che lavura tar in post mobil da la guardia da cunfin.

Il cunfin extern da Schengen CH-FL

Moniturs per survigilar ils cunfins. Bild in Lightbox öffnen.

Legenda da maletgs: Moniturs per survigilar ils cunfins. RTR, R. Liesch

Il cunfin tranter la Svizra ed il Principadi da Liechtenstein è in cunfin spezial. Perquai che Liechtenstein n'è betg commember dal territori da Schengen, è quest cunfin in cunfin extern da Schengen. Là èsi da prender mesiras spezialas per segirar l'intern dal territori da Schengen. In dazier raquinta da quellas mesiras spezialas.

(gh/fa)