Mia vita - mia musica

Smoke on the water, Lady in black, Michelle u forsa er Fiesta Mexicana, Rote Lippen u Blau blüht der Enzian. Mintga persuna ha sias atgnas chanzuns che sveglian regurdientschas, chanzuns cun istorgias, chanzuns che furman quasi il soundtrack da sia vita. L'emprima LP, la chanzun che gieva tar l'emprim bitsch, il hit da stad durant las emprimas vacanzas senza ils geniturs, l'emprim concert ubain la chanzun da nozzas. Durant la stad 2013 ha il Radio Rumantsch preschentà al lieu dal Profil ed empè da la Marella in purtret musical, ina persuna ha raquintà da sia vita ensemen cun las chanzuns decisivas.

Mia vita, mia musica cun Fabrizio Sossai

Fabrizio Sossai. Bild in Lightbox öffnen.

Legenda da maletgs: Fabrizio Sossai. mad

Adriano Celentano regorda Fabrizio Sossai vi da ses temp sco buob - e vi da ses bab. Cun chanzuns da Walter Lietha u Ludwig Hirsch ha el passentà la giuventetgna. Adina ha la musica classica dentant accumpagnà Fabrizio Sossai durant sia vita - oz chanta el en trais differents chors u ensembles - sco il cantus Firmus e l'Ensemble deCanto. L'um da 48 onns raquinta da ses temp en Svizra franzosa, ses mastergn sco scrinari e la passiun dal chant, la chatscha e la pestga. Redacziun: Esther Berther

Mia vita, mia musica cun Jon Duschletta

Jon Duschletta. Bild in Lightbox öffnen.

Legenda da maletgs: Jon Duschletta. mad

Adina in zichel pli speziala e (anc) betg grond enconuschenta, uschia pudess'ins descriver la musica ch'ha accumpagnà Jon Duschletta (49) da Zernez durant sia vita. Durant decennis era il bab da dus uffants surtut enconuschent sco "Johny, il mister Open Air Chapella". Perquai han ils indumbrabels inscunters cun artists internaziunals al pli vegl open air grischun er laschà divers fastizs en il repertoire da sia musica. Ina persuna ha accumpagnà Jon Duschletta però durant tut sia vita, numnadamain Bob Dylan. Redacziun: Anna Caprez

Mia vita, mia musica cun Romana Ganzoni

Romana Ganzoni. Bild in Lightbox öffnen.

Legenda da maletgs: Romana Ganzoni. mad

Criv u cotg, puter u vallader, AC/DC u Bach: Ils cuntrasts predomineschan en la biografia (musicala) da Romana Ganzoni. Durant 20 onns è ella stada magistra engaschada - ina nov'interpretaziun da la ballada "Erlkönig" ha fatg impressiun ad ella a moda duraivla. Dapi bundant in onn sa deditgescha ella plainamain al scriver. Tge impurtanza ch'il cumponist Philip Glass ha per sia lavur litterara e pertge cha a la fin sa tracti adina da "Take The Long Way Home" raquinta Romana Ganzoni en "Mia via - mia musica". Redacziun: Anna Serarda Campell

Mia vita, mia musica cun Gianna Olinda Cadonau

Gianna Olinda Cadonau. Bild in Lightbox öffnen.

Legenda da maletgs: Gianna Olinda Cadonau. mad

"Il chant è in med d'exprimer sentiments cun musica pli directamain che tras in instrument", di Gianna Olinda Cadonau. La varietad è impurtanta per la giuvna da 30 onns, oriunda da Scuol, che viva ussa a Winterthur. Ella lavura tranter auter sco manadra da projects culturals tar la Lia Rumantscha. Uschia vegn ella da cumbinar ses interess per art, cultura, politica, dretg ed economia. Daco n'è ella betg daventada cellista, tge musica è restada da la scola da musical a Hamburg, e tge chanta ella a l'uffantin ch'ella spetga en paucs mais? Redacziun: Angela Hendry

Mia vita, mia musica cun Fina Gaudenz

Fina Gaudenz. Bild in Lightbox öffnen.

Legenda da maletgs: Fina Gaudenz. RTR

Il schlagher "Schwarzer Kater Stanislaus" era en sia giuventetgna la musica per lavar giu, il "Hey Jude" dals Beatles l'accumpagnament da l'emprima amur e tar il toc "Abracadabra" da la Steve Miller Band traglischan tar ella anc oz tut las glischs d'alarm. Fina Gaudenz è dapi 25 onns redactura da musica tar RTR. Blers tocs èn passads durant quest temp sur sia maisa da lavur. En "Mia vita - mia musica" raquinta ella da la musica che ha marcà sia vita e da sia passiun per il chant choral, Zucchero u Verdi. Redacziun: Guadench Dazzi

Mia vita, mia musica cun Theo Demund

Theo Demund. Bild in Lightbox öffnen.

Legenda da maletgs: Theo Demund. mad

Theo Demund è naschì ils 6 da schaner 1970 e creschì si a Darvella/Trun. Da professiun è el tgirunz. La musica gioga ina rolla impurtanta en sia vita. L'onn 2011 ha el edì l'album "Seivs e claus". En l'emissiun Mia vita - mia musica raquinta el co el admirava sco scolar Kim Wilde, ed el raquinta da Pink Floyd ed in VW oransch, da Dr. Hook e l'amur ubain da Lenny Kravitz ed ina stgatla raviolis brischada sur il fieu. Redacziun: Hubert Giger

Mia vita, mia musica cun Cla Nett

Cla Nett. Bild in Lightbox öffnen.

Legenda da maletgs: Cla Nett. RTR, R. Spescha

Naschì è el en l'Engiadina, a S-chanf, e las vacanzas ha el passentà per gronda part a Ramosch. Mo creschì si è Cla Nett a Basilea. Là ha el cumenzà sia carriera musicala, el ha fundà la Lazy Poker Blues Band, ina da las pli impurtantas bands da blues da la Svizra. Ed er anc oz cun bunamain 60 onns è il blues la vita da Cla Nett, bleras chanzuns da blues al han accumpagnà tras la vita. Redacziun: René Spescha

Mia vita, mia musica cun Norbert Cavegn

Norbert Cavegn. Bild in Lightbox öffnen.

Legenda da maletgs: Norbert Cavegn. RTR, P. Bigliel

"Igl Open Air Lumnezia ei empau sco miu pop...". Cun excepziun d'ina suletta giada è Norbert Cavegn (44) da Vella stà da la partida a mintga Open Air Lumnezia, pia 28 giadas! Dapi 12 onns è il fiduziari president dal comité d'organisaziun e giauda quest eveniment mintg'onn danovamain. Sumegliant sco il sport è la musica adina stada in'impurtanta cumponenta en la vita dal Lumnezian. Uschia raquinta el tge musica ch'el collia cun sia uffanza, tge band ch'inspirescha el oz il dapli u era tge musica ch'è ida tar la naschientscha da sia poppa. Redacziun: Prisca Bigliel

Mia vita, mia musica cun Emilia Zangger

Emilia Zangger. Bild in Lightbox öffnen.

Legenda da maletgs: Emilia Zangger. mad

"Musica ed engaschament social sun per mai ina part essenziala da l'uman. Tuts duos ans sensibiliseschan per il mintgadi", di Emilia Zangger da Samedan. A chasa vegniva chantà las chanzuns rumantschas e fatg musica classica. Tar ils tuns da Santana ha ella fatg ils emprims pass cun ses um ed endretg da chasa sa senta ella en la musica da la renaschientscha e dal baroc. La vaira passiun è il sunar la flauta. Pertge ch'igl è il fauss tschientaner per quest instrument raquinta Emilia Zangger en quest'emissiun. Redacziun: Anna Serarda Campell

Mia vita, mia musica cun Monica Hänny

Monica Hänny. Bild in Lightbox öffnen.

Legenda da maletgs: Monica Hänny. RTR, L. Livers

Monica Hänny ha 52 onns ed ella viva a Castrisch dapi l'onn 1992. Tocs da musica regordan ella mintgamai vid parts da sia vita. Uschia regorda Anderas Vollenweider ella vid las nozzas. Ed ils schlaghers da Christian Anders stattan per la pubertad. Libertad è cumbinà cun musica da Barbara Streisand. Monica Hänny e las regurdientschas da musica. Redacziun: Linus Livers

Mia vita, mia musica cun Pius Venzin

Pius Venzin. Bild in Lightbox öffnen.

Legenda da maletgs: Pius Venzin. mad

Pius Venzin u era PDDP viva e lavura a Turitg, el ha 34 onns ed è creschì si a Rueras e sia passiun èn il rap ed il hip hop. Avant onns era el tar las Liricas Analas - sia band actuala èn "The Swiss Avengers". Roxette, la dunna svedaisa ha sveglià tar el l'amur per la musica - e The Jackson Five procuran tar el per buna luna. Sa chapescha na manca era la musica dira ed il hip hop betg en sia biografia musicala. Pius Venzin raquinta nua ch'el ha udì l'emprima giada il toc "Unics" da Pascal Gamboni e cura che Rage Against the Machine era actual en sia vita. Redacziun: Esther Berther

Mia vita, mia musica cun Sergio Oswald

Sergio Oswald. Bild in Lightbox öffnen.

Legenda da maletgs: Sergio Oswald. RTR, A. Caprez

Sergio Oswald ha 46 onns e viva a Puntraschigna. I na dat betg in sulet stil da musica che accumpogna Sergio Oswald tras sia vita. Da la musica da tola, sur rock pli dir, fin tar la musica classica, plascha tut il pussaivel al figl da l'enconuschent cumponist e musicist Fredy Oswald. Da pudair realisar in project cun sia figlia Alessia ha dà gronda satisfacziun a l'emploià chantunal. Redacziun: Anna Caprez

Mia vita, mia musica cun Hans Caprez

Hans Caprez. Bild in Lightbox öffnen.

Legenda da maletgs: Hans Caprez. RTR, G. Dazzi

Castrisch, Au, Scuol, Cuira, Scozia, Turitg, Piräus, Alba per danovamain turnar a Castrisch. L'ir davent e prender cumià per puspè turnar sa tira sco in fil cotschen tras la vita dal schurnalist Hans Caprez. Quai sa spievla era en sia biografia musicala. Sper chanzuns rumantschas chatt'ins qua musica sacrala russa, tocs per cornamusas u Rembetico, ina sort "blues grec" chantà da persunas che stattan a l'ur da la societad. Per persunas a l'ur è Hans Caprez adina puspè era s'engaschà sco schurnalist dal "Beobachter". Redacziun: Guadench Dazzi

Mia vita, mia musica cun Rolf Caflisch

Rolf Caflisch. Bild in Lightbox öffnen.

Legenda da maletgs: Rolf Caflisch. RTR, P. Bigliel

"Jeu sun buca ius gl'emprem la via academica..." e tuttina è daventà ord il tambur passiunà da giuvens onns oz in battarist professiunal. Ses paun da mintgadi gudogna el oz cun sunar en differentas bands, cun dar uras da musica ed era cun organisar retschas da concerts en il Grischun. S'avrir per il nov, na star airi e laschar purtar dal mument èn devisas en la vita dal giuven musicist, ch'ha adina gì il curaschi dad ir sia via fitg individuala. Redacziun: Prisca Bigliel