Mandarin

Oz è il di da la lingua da la mamma. Nus discurrin gugent da noss'atgna lingua e quant periclità ch'il rumantsch è. Ma pertge betg ina giada guardar da l'autra vart? Tge è la lingua che vegn pledada il pli bler sin il mund ed n'ha perquai er betg dad avair tema da murir ora? Cler, il chinais - perquai ch'i dat 1,2 milliardas Chinais. Ma tar il chinais èsi in pau sco tar nus Rumantschs. Nua che nus avain noss tschintg idioms han els tschients dialects, e nua che nus avain il rumantsch grischun han els il mandarin. Ma auter che tar nus inditgeschan blers Chinais che mandarin saja lur linguatg mamma, numnadamain 875 milliuns carstgauns. Raschun avunda per nus d'ans fatschentar in pau cun quest mandarin.

Chinais Bild in Lightbox öffnen.

Legenda da maletgs: Chinais Reuters