Forum cun Iso Camartin - La dunna senza sumbriva da Richard Strauss

La sumbriva è il simbol da la fritgaivladad. La dunna senza sumbriva è quella che na po betg parturir. Per lètgs che giavischan figlialanza in destin crudaivel! Il poet Hugo von Hofmannsthal ed il cumponist Richard Strauss - dus artists cun bunas experientschas en lur collavuraziun - han stgaffì in'ovra cun in immens apparat da vuschs ed instruments che dovra elements or dal mund da la paraula. Il reginavel imperial ed il mund dals umans sa confruntan, striegn e magia intervegnan, enstagl d'ina vendita da la sumbriva cumenza in process da purificaziun e d'enclegientscha. La fin è seraina e diversas sumbrivas empermettan in futur prosperaivel. Il text è surchargià cun simbols, mo la musica da questa opera è fascinanta cun colurs ed atmosferas nunusitadas. Redacziun: Iso Camartin

Iso Camartin Bild in Lightbox öffnen.

Legenda da maletgs: Iso Camartin