Tgi viveva qua? - A la tschertga dals chastellans grischuns

L'istorgia da noss chantun Grischun na stat betg adina mo els cudeschs. Mintgatant è ella era direct palpabla giuadora en la cuntrada. Uschia per exempel er quella dal temps feudal, dal temp dals chavaliers e dals chastellans.

Chastè da Tschanüff. Bild in Lightbox öffnen.

Legenda da maletgs: Chastè da Tschanüff. RTR, G. Caviezel

L'istorgia dals chastellans è in'istorgia ch'è per part anc oz preschenta, almain regordan las ruinas da lur chastels fitg bain vi da quest temp magari burascus. RTR dat questa stad in sguard enavos en il temp da pli baud, en il temp medieval e guarda tge che 5 ruinas en las differentas regiuns dal Grischun han da raquintar da quest temp.

Venderdi, 09-08: Il chastè da Strahlegg

CAPAUL, PATRICK - CASTI FIDERIS TOP_RTR000000225690- MP4_q40.mp4

L'uniun da chastels grischuna è il mument vida restaurar il chastè da Strahlegg a Fideris. Gia dapi 8 onns gidan ses commembers il possessur dal chastè, Marco Walli, da restaurar quel durant mintgamai in emna da project. Quest emna è l'etappa finala ed ins vesa ch'igl è vegnì lavurà bravamain vid il chastè - il chastè n'ha betg mo survegnì in tetg mabain era dus novs plauns per uschia che Marco Walli po cumenzar ad exponer lien sias lavurs d'entagl. (rtr/gc)

Gievgia, 08-08: Il chastè da Tschanüff

Chastè da Tschanüff. Bild in Lightbox öffnen.

Legenda da maletgs: Chastè da Tschanüff. RTR, G. Caviezel

Il chastè da Tschanüff a Ramosch era vegnì bajegià sin il crest da l'uvestg da Cuira en il 12avel tschientaner. Pervi ch'il chastè sa chatta en in punct central da traffic tranter il nord ed il sid era quest chastè betg mo interessant per ils da Cuira mabain er per auters patruns che vulevan engrondir lur pussanza. (rtr/sd)

Mesemna, 07-08: Il chastè da Guardaval

Il chastè Guardaval. Bild in Lightbox öffnen.

Legenda da maletgs: Il chastè Guardaval. RTR, G. Caviezel

Il chastè Guardaval sa chatta sur Madulain en l'Engiadin'Ota. E perquai ch'el sa chatta sin uschè in bel punct deva quai pli baud er in'ustaria ch'exista ozendi dentant betg pli. I dat er ina ditga che raquinta ch'il chastellan da Guardaval uras era fitg nausch. Mussaments a scrit perencunter na datti betg, ha ditg il scolast pensiunà Alfons Clalüna. (rtr/sd)

Il scolast pensiunà Alfons Clalüna al chastè Guardaval. Bild in Lightbox öffnen.

Legenda da maletgs: Il scolast pensiunà Alfons Clalüna al chastè Guardaval. RTR, G. Caviezel

Mardi, 06-08: Il chastè da Marmels

ll chastè da Marmels. Bild in Lightbox öffnen.

Legenda da maletgs: ll chastè da Marmels. gr.ch

Il chastè dals da Marmels sa chatta en in grip sur il lai da Murmarera. Ozendi stat mo pli la chaplutta sidretg, ils rests èn ids en decadenza en il fratemp. Durant il temp dal 15avel e 16avel tschientaner tutgava la famiglia dals da Marmels tar las qualas cun la pli gronda influenza en il Grischun. (rtr/sd)

Glindesdi, 05-08: Il chastè da Putnengia (Tujetsch)

Chastè da Putnengia, davostier Sedrun. Bild in Lightbox öffnen.

Legenda da maletgs: Chastè da Putnengia, davostier Sedrun. mad

Sisum en la Surselva, en Val Tujetsch, sin ina costa d'in grip sut Dieni stat mo pli la ruina da quai ch'era ina giada il da chasa dals da Putnengia. Il chastè ch'è stà il punct da partenza da l'istorgia da la famiglia da Putnengia - in'istorgia ch'ha cun l'avat Pieder da Putnengia è inizià questa da la Ligia Grischa a Trun sut l'ischi.