La resgia gronda a Domat vegn demontada

L'interpresa tudestga Klausner Holz Thüringen GmbH ha gudagnà l'ingiant per la resgia gronda a Domat. Ella porscha 20,05 milliuns francs. Quella duai vegnir demontada entaifer 6 mais ed alura puspè vegnir reconstruida en l'exteriur.

La Klausner Holz Thüringen GmbH cumpra la resgia gronda a Domat. Bild in Lightbox öffnen.

Legenda da maletgs: La Klausner Holz Thüringen GmbH cumpra la resgia gronda a Domat. RTR

Laina vegn per gronda part exportada La Klausner Holz Thüringen è ina da las grondas resgias da l'Europa. Ella è vegnida fundada l'onn 1991. Cunzunt producescha la Klaus Holz Thüringer laina da tagl per l'industria da bajegiar e per l'industria d'emballadis. Ils products vegnan il pli exportads. Quai surtut en ils Stadis Unids, Orient Extrem, Gronda Britannia e l'Ollanda. Betg retschavì avunda laina radunda Malgrà las stentas, n'ha la firma Egger betg retschavì avunda laina radunda d'ordaifer il chantun Grischun. Quella fiss stada necessaria per ch'ella avessi manar vinavant la resgia. En tut avess la Egger duvrà 300'000 meter cubic laina. Il temp per pudair organisar quella saja stà memia curt, uschia Egger.

Ils 15 da december 2010 ha la Mayr Melnhof inoltrà il concurs a l’uffizi da concurs dal district Plaun. Bild in Lightbox öffnen.

Legenda da maletgs: Ils 15 da december 2010 ha la Mayr Melnhof inoltrà il concurs a l’uffizi da concurs dal district Plaun. RTR

Cun gronda speranza ha ins entschet a resgiar laina l'avrigl 2007. Ils davos 4 onns è daventà da la speranza ina gronda illusiun. La resgia n'ha betg rendì, igl ha midà ils possessurs e curt avant Nadal da l'onn passà è la resgia ida en concurs. A la tschertga d'investiders e da laina A partir dal schaner da quest onn enfin oz n'è strusch in di passà che il pli grond falliment en l'istorgia da l'economia grischuna n'è betg stà in tema. Sco emprim gievi per ils lavurers che han pers la plazza e per ils crediturs che spetgan sin raps. Bainbaud tschertgava ins cumpraders per la resgia che fissan pronts da manar enavant la resgia. Ins tschertgava er avunda furniturs da laina uschia ch'in pussaivel investider pudess far i la resgia cun success. (fc/rtr)

Philipp Annen, Ueli Ardüser, Beat Caluori e Markus Weidemann. Bild in Lightbox öffnen.

Legenda da maletgs: Philipp Annen, Ueli Ardüser, Beat Caluori e Markus Weidemann. RTR, R. Liesch