Co vinavant cun las iniziativas da chatscha?

Actualmain èn duas iniziativas pertutgant la chatscha tema el Grischun. D' ina vart l'iniziativa per abolir la chatscha speziala e da l'autra vart in' iniziativa per ina chatscha pli cumpatibla ed etica.

En tge direcziun duai ir cun la chatscha grischuna? Bild in Lightbox öffnen.

Legenda da maletgs: En tge direcziun duai ir cun la chatscha grischuna? Keystone

Ina pli lunga chatsch' auta ed abolir la chatscha speziala è la finamira dils adherents da l'iniziativa encunter la chatscha speziala. Varga 10'000 suttascripziuns èn vegnidas inoltradas a la chanzlia chantunala l' avust passà. Il mument vegn examinà, sche l'iniziativa saja insumma valaivla, ha ditg il cusseglier guvernativ, Mario Cavigelli. La pretensiun, che la regenza avessi gugent, che l'iniziativa na vegn betg avant il pievel, na lascha Cavigelli betg valair. Impurtant saja da chattar soluziuns adattadas per la situaziun actuala, quai tant per la selvaschina sco era per la selvicultura, ha ditg il president da la regenza grischuna. (rtr/hs)