Pfeifer e Klausner na vegnan betg perina

La Klausner Holz Thüringen GmbH sto bajegiar giu ils indrizs sin l'areal da la resgia gronda a Domat. Las maschinas che la firma tudestga aveva ingiantà l'onn passà suenter il concurs da la Mayr-Melnhof Swiss Timber per 20 milliuns francs ston pia svanir enfin la fin da l'onn.

La resgia gronda a Domat. Bild in Lightbox öffnen.

Legenda da maletgs: La resgia gronda a Domat. Keystone

Las tractativas cun la Holzindustrie Pfeifer AG ch'ha ingiantà il dretg da bajegiar sin l'areal a Domat han numnadamain fatg naufragi. Tenor la decisiun la dretgira chantunala sto la Klausner, sco possessura dals indrizs e las maschinas, demontar quels enfin la fin da l'onn. Sco quai che la Pfeifer AG communitgescha n'ha ella betg anc decis, sch'ella fa recurs tar la dretgira federala. (uca/aw/sda)

Klausner sto demontar indrizs fin la fin dal 2012

La Klausner Holz Thüringen GmbH sto demontar tut ils indrizs sin l'areal da l'anteriura resgia gronda a Domat enfin la fin da quest onn. La dretgira chantunala conferma la decisiun da l'uffizi da concurs Plaun.