1969: Americans sa tschentan sin la glina

Igl è stà insatge sensaziunal - avant 40 onns èn ils Americans sgulads e sa tschentads sin la glina. Ils 21 da fanadur 1969 è la missiun dad Apollo 11 gartegiada. La notg da lez onn curt avant las quatter ha l'american Neil Armstrong fatg l'emprim pass sin la glina. El ha ditg ils pleds renumads: "Quai è in pitschen pass per in uman, dentant in grond pass per l'umanitad."

Emprims pass sin la glina Bild in Lightbox öffnen.

Legenda da maletgs: Emprims pass sin la glina Reuters

Il sgol sin la glina

Men J. Schmidt Bild in Lightbox öffnen.

Legenda da maletgs: Men J. Schmidt spacescience.ch

Oz sa fatschentain nus dal sgol dad Apollo 11, vul dir dal mument che la rachetta è partida enfin che la nav Eagle è sa tschentada cun ils astronauts sin la glina. Ina persuna ch'enconuscha fitg bain l'astronomia e l'astronautica è Men Jon Schmidt, el stat a Gossau ed è oriund da Sent.

Il motiv da sgular sin la glina

Glina Bild in Lightbox öffnen.

Legenda da maletgs: Glina Reuters

Tge motiv han ils Americans gì da sgular sin la glina? E pertge han els chalà gia l'onn 1972 cun las missiuns d'Apollo? E tge èsi da dir da las teorias che dubitan ch'ils astronauts èn stads sin la glina? Quellas dumondas respunda l'expert da l'astronautica Men Jon Schmidt.

Effects sin l'ambient, la tecnica e la mentalitad

Brigitte Röthlein Bild in Lightbox öffnen.

Legenda da maletgs: Brigitte Röthlein

Avant 40 onns èn ils Americans sgulads e sa tschentads sin la glina. Quai eveniment - insumma l'astronautica - ha laschà enavos fastizs en la vita da mintgadi. Intgins da quels fastizs èn svanids suenter curt temps, auters èn restads enfin il di dad oz. Sur da tals fastizs raquinta la fisicra da la Germania Brigitte Röthlein.

Effects sin films, musica e societad

Sabine Höhler Bild in Lightbox öffnen.

Legenda da maletgs: Sabine Höhler

Oz guardain nus tge fastizs ch'il sgol sin la glina ha laschà enavos en la cultura: en films, en la musica u en general en la vita da mintgadi. Sur da quai tema discurrin nus cun l'istoricra per scienza e tecnica a la ETH da Turitg Sabine Höhler.

La "missiun" dal moderatur Bruno Stanek

Bruno Stanek Bild in Lightbox öffnen.

Legenda da maletgs: Bruno Stanek stanek.ch

La missiun d'Apollo 11 ha cuzzà in'emna, ils 16 da fanadur è la rachetta partida ed ils 24 da fanadur èn ils astronauts turnads puspè sin terra. La televisiun svizra ha rapportà da quest eveniment en detagl. Il commentader prominent tar la televisiun è stà dal 1968 - 1972 Bruno Stanek. Nus avain discurrì cun il matematicher ed expert per l'astronautica en ses biro ad Arth-Goldau sur da sia "missiun".

Perditgas sa regordan

Da sanester: Natali Lombris ed Ignaz Cathomen Bild in Lightbox öffnen.

Legenda da maletgs: Da sanester: Natali Lombris ed Ignaz Cathomen RTR

Avant 40 onns, la notg dals 20 da fanadur sin ils 21 da fanadur 1969, èn ils astronauts americans sa tschentads sin la glina. Millis persunas han observà quest eveniment avant la televisiun. Duas da quellas persunas che han guardà la missiun d'Apollo 11 èn Natali Lombris da Vella ed Ignaz Cathomen da Falera. Els sa regordan da quest eveniment.