Viver sco actura libra è dir ma cuntentaivel

Sche la Sara Francesca Hermann raquinta in'istorgia sin ina tribuna, lura fa ella quai cun corp ed olma. La giuvna da 28 onns, oriunda da Samedan, ha numnadamain studegià a la scola Comart a Turitg actura da moviment. Quai vul dir ch'ella fa teater, acrobatica, musica, cabaret ed ella chanta e sauta.

Sara Francesca Hermann. Bild in Lightbox öffnen.

Legenda da maletgs: Sara Francesca Hermann. RTR, G. Hosang

Il mument pon ins vesair Sara Francesca Hermann tar il teater sin via "Paula fliegt". Là gioga ella ensemen cun 3 collegas in pumpier che tschertga il fieu. La vita sco actura da moviment libra è dira. Ins sto organisar projects, mirar da vegnir ensemen cun avunda daners, e la fin finala tuttina surpigliar autras lavurs per gudagnar il paun. Tenor Sara Francesca Hermann rendian questas fadias dentant, sin il pli tard lura, cura ch'ella è sin la tribuna e retschaiva l'energia dal public. (rtr/ah)