Nagina colliazun cun Sunrise

Clients da Sunrise tranter Mustér ed Andermatt n'ha pon betg pli telefonar e scriver sms dapi in'emna. Il problem saja la naiv ch'impedeschia la communicaziun, ha ditg Tobias Kistler da Sunrise ad RTR. Quest problem hajan els era gì l'enviern passà.

Ils tecnichers da la Sunrise vulan drizzar l'antenna a Sedrun vers Cuira, per ch’almain quels da Sedrun e Mustér pon puspè telefonar. Bild in Lightbox öffnen.

Legenda da maletgs: Ils tecnichers da la Sunrise vulan drizzar l'antenna a Sedrun vers Cuira, per ch’almain quels da Sedrun e Mustér pon... ANR, S. Rothmund

Ussa sajan ils tecnichers vidlonder da schliar il problem vid in'antenna ad Andermatt che saja colliada cun l'antenna a Sedrun. Per l'ina vegnia montà ina pigna per far luar la naiv, e per l'autra veglian els drizzar l'antenna a Sedrun vers Cuira, per che questa antenna na saja betg pli dependenta da quella ad Andermatt. Pervia dals problems cun Sunrise ha gia in u l'auter a Mustér visà il contract cun l'interpresa da telecommunicaziun. (gc/hg/rtr)