Terms impurtants da la lingia da Bever fin Scuol-Tarasp

Dapi che dr. Friedrich Hennings ha survegnì il fanadur 1903 l'incumbensa per il project "nova lingia da viafier da Bever – Scuol-Tarasp" è bler succedì en l'istorgia da questa lingia. Qua ina cronica cun ils terms ils pli impurtants.

Cronica

27 da fanadur 1903 Il cussegl d'administraziun da la Viafier retica dat a professer Dr. Friedrich Hennings l'incumbensa per il project "nova lingia da viafier da Bever - Scuol-Tarasp".

18 da matg 1910 Il cussegl d'administraziun da la Viafier retica decida d'electrifitgar la lingia planisada per empruvar il manaschi electric.

Ils 02-09-19111 ha il fegl d'Engiadina rapportà dal grev accident tar il viaduct Val-Mela. Bild in Lightbox öffnen.

Legenda da maletgs: Ils 02-09-19111 ha il fegl d'Engiadina rapportà dal grev accident tar il viaduct Val-Mela. mad

29 d'avust 1911 Cur che la puntada per il viaduct Val-Mela sballuna, datti 12 morts e 11 blessads.

I ha dà bleras catatstrofas da la natira, qua ina lavina a Zuoz. Bild in Lightbox öffnen.

Legenda da maletgs: I ha dà bleras catatstrofas da la natira, qua ina lavina a Zuoz. Viafier Retica

21 da december 1912 L'emprim viadi da prova da la locomotiva electrica Ge 4/6 351 tranter Bever e Zuoz.

28 e 29 da zercladur 1913 Inauguraziun da la lingia nova cun festivitads a differentas staziuns tranter Bever e Scuol-Tarasp.

La staziun a Scuol. Bild in Lightbox öffnen.

Legenda da maletgs: La staziun a Scuol. mad

1. da fanadur 1913 Avertura uffiziala da la lingia da Bever fin Scuol-Tarasp.

22 da mars 1927 Ina locomotiva collidescha avant il tunnel da Magnacun en in crappun rudlà giu. Il locomotivist mora ed i dat 9 blessads.

19 da mars 1937 Il davos tren da la saira è fruntà avant il tunnel da Sassal en in squatsch. Il locomotivist mora immediat.

La staziun a Samedan. Bild in Lightbox öffnen.

Legenda da maletgs: La staziun a Samedan. Keystone

1982 e 1986 La surveglianza a distanza ord la staziun da Samedan per la lingia Bever-Ardez vegn extendida.

La Viafier retica avant il Veraina che maina en l'Engiadina. Bild in Lightbox öffnen.

Legenda da maletgs: La Viafier retica avant il Veraina che maina en l'Engiadina. Keystone

1999 Inauguraziun da la lingia dal Veraina. Questa lingia si da la Bassa maina in ulteriur augment da traffic per l'Engiadina Bassa e la Val Müstair.