Tratga da salmuns Alvaschagn sin chommas falombras

La Swiss Alpine Fish SA che vul construir ina tratga da salmuns ad Alvaschagn persequitescha ussa era l'idea, da construir ina tratga da salmuns a Lostallo en il Mesauc.

Alvaschagn e Lostallo avessan omaduas gugent ina tratga da salmuns. Bild in Lightbox öffnen.

Legenda da maletgs: Alvaschagn e Lostallo avessan omaduas gugent ina tratga da salmuns. Colourbox

Sco quai ch'il president da la vischnanca burgaisa da Lostallo Mirco Rosa ha confermà ad RTR, haja la vischnanca burgaisa decidì l'emna passada, da metter a disposiziun il terren sin basa d'in contract cun dretg da construcziun. Sch'ils plans a Lostallo muntan la mort da la tratga da salmuns planisada ad Alvaschagn, n'è il mument betg cler. Duas opziuns avertas Tenor Ronald Herculeijns, il pledader da la Swiss Alpine Fish SA, tegnian ins il mument avert tuttas dus opziuns. Ils plans ad Alvaschagn prevesan la fabricaziun da radund 350 tonnas salmuns ad onn. Il fanadur ha la regenza approvà la revisiun parziala da la planisaziun locala. (rtr/fb)

Tratga da salmuns è in pass enavant

La tratga da salmuns planisada ad Alvaschagn è in pass enavant. La regenza grischuna ha approvà la revisiun parziala da la planisaziun locala. Uschia po la zona da mastergn ad Alvaschagn vegnir surbajegiada.

Alvaschagn vul producir 350 tonnas salmuns ad onn

Ad Alvaschagn duain vegnir allevads salmuns. La radunanza communala da venderdi saira ha infurmà per l'emprima giada la populaziun davart il project. L'allevament da peschs sut tetg duai vegnir realisà dasperas la via chantunala.

Ustiers cuschinan il pli gugent litgivas indigenas

Ina pitschna enquista che RTR ha fatg tar quatter ustiers dal Grischun Central mussa, che litgivas èn pli popularas sin las cartas da menus che salmuns. Quai è cuntrari a la tendenza dal martgà mundial, che pretenda dapli salmuns.