Anc nagin agid finanzial per concern EGGER

Anc n'haja il concern austriac EGGER survegnì nagin agid finanzial dal chantun. Ins haja bain discurrì davart in sustegn finanzial. Suttascrit saja dentant anc nagut. Uschia il cusseglier guvernativ Mario Cavigelli.

Enfin ils 20 da zercladur vul Egger inoltrar l'offerta. Bild in Lightbox öffnen.

Legenda da maletgs: Enfin ils 20 da zercladur vul Egger inoltrar l'offerta. mad

La lavur da la regenza Grischuna saja fatga, ils 150'000 meters cubics laina radunda segirads. Ussa speria el, ch'i grategia ad EGGER da segirar era anc la laina necessaria giu la bassa. Là na hajan els sco regenza grischuna betg in'influenza. Egger vul inoltrar offerta per la resgia a Domat Il concern da laina dal Tirol Egger vegn ad inoltrar enfin ils 20 da zercladur ina offerta da cumpra per la resgia gronda a Domat, ch'ella vul manar vinavant. Cunquai possian ins sa participar a la procedura d'aucziun ils 27 da zercladur, scriva Egger en ina communicaziun. Cuntanschì la quantitad da furniziun giavischada Ins haja ussa cuntanschì la quantitad da furniziun giavischada da laina radunda en il Grischun ed era ordaifer il chantun hajan ins suttascrit ils emprims contracts. Egger è tenor atgnas indicaziuns plain fidanza da cuntanscher la quantitad totala da 300'000 meters cubic laina. (bu/fc/rtr)