Far giu pulvra e cumenzar da nov

Temp da primavaira è il temp nua ch'ils dis vegnan puspè pli lungs e ch'il sulegl stgauda la stiva e carmala d'ir or en il liber. Ed igl è era il temp per far giu pulvra e cumenzar da nov, per exempel far giu pulvra al velo e sa preparar per la stagiun da velo, far urden en ed enturn chasa, preparar il curtin u era la nettegiada da primavaira. Nus preschentain intgins rituals da primavaira.

Preparar il curtin Bild in Lightbox öffnen.

Legenda da maletgs: Preparar il curtin pixelio.de

Temp da prender ora ils velos

20-03-2010 primavaira - ora cun il velo.mp4

La naiv svanescha e cun ella era il tschaffen ed il plaschair d'ir cun skis u snowboard. I ha num metter davent ils skis ed il snowboard e prender nanavant il velo. Dentant avant ch'ins po giudair las bellas turas da velo èsi da far ina controlla totala. Igl è da guardar che tut saja en urden. Quai per l'atgna segirtad e per quella dals auters. Nus mussain tge che sto tut vegnir controllà.

Cumprar ils dretgs chalzers da currer

Currer Bild in Lightbox öffnen.

Legenda da maletgs: Currer Keystone

Cun la primavaira crescha tar blera glieud il gust dad ir a currer. Mo per na betg donnegiar ils schanugls ed il dies èsi fitg impurtant da purtar buns chalzers. Cumprar chalzers da currer è betg uschè simpel ed i dovra er in zichel temp.

Egls che larman, starnidar e schnuffar

Blers pateschan da la strucca da fain Bild in Lightbox öffnen.

Legenda da maletgs: Blers pateschan da la strucca da fain Keystone

En Svizra pateschan radund dus milliuns persunas d'ina allergia. La primavaira pateschan blers umans da l'allergia sin pollen. Questa allergia è fitg derasada e pertutga bunamain mintga 5avel svizzer. Co san ins tractar l'allergia sin pollen e co san ins prevegnir ad ella? Dus medis - in ch'applitgescha la medischina da scola ed in medi natural - dattan respostas. E blers han il sentiment ch'allergias e sport na sa cumportian betg. Il cuntrari è dentant il cas. Far sport è fitg impurtant per persunas cun allergias, quai di Judith Alder dal center Svizzer d'allergias.

Tge far cunter la stancladad da primavaira?

Stancladad da primavaira Bild in Lightbox öffnen.

Legenda da maletgs: Stancladad da primavaira Keystone

Nagin schlantsch, nagina motivaziun? Stancladad perpetna? Uschia vai cun blera glieud cura che la primavaira turna. Enstagl da sa sentir plain energia e fit, è la situaziun fisica e magari schizunt psichica desastrusa. Danunder deriva quest fenomen da la stancladad e tge pon ins far encunter?

Dir adia al grass d'enviern

Dir adia al grass d'enviern Bild in Lightbox öffnen.

Legenda da maletgs: Dir adia al grass d'enviern pixelio.de

Ins ha gia pudì star a sulegl sin la smarschanera E quai fa natiralmain endament la stad. E la stad fa era endament ch'ins porta lura pli pauc vestgadira. Uschia ch'ins na po betg pli zuppentar il grass d'enviern. Primavaira, per blers munta quai dir adia al grass d'enviern. Pia far sport e sa nutrir lasuenter. Però uschè simpel n'èsi betg, tge èsi da far cunter il grass d'enviern?

Preparar il curtin

Semnar en iert Bild in Lightbox öffnen.

Legenda da maletgs: Semnar en iert Keystone

Magazins e broschuras cun maletgs da curtins sgulatschan da chasa en e fan gust sin bellas fluras e buns legums. Per che las fluras flureschan l'entira stad, e per ch'ins racolti uschè bler legums sco pussaivel avain nus discurri cun l'ortulan Thomas Pfister davart tips per il trair ordavant fritgs e legums.

Daco san las fluras cura ch'ellas han da crescher?

03-04-2010 pertge san las fluras cura ch'ells han da crescher.mp4

Nettegiada da primavaira

Nettegiada da primavaira Bild in Lightbox öffnen.

Legenda da maletgs: Nettegiada da primavaira Keystone

La primavaira porta novas colurs e dapertut vegn fatg urden e blers han lura era il desideri da nettegiar. Pli baud devi adina la primavaira ina nettegiada da primavaira en l'entira chasa. Forsa è quai ozendi betg pli uschia sco pli baud. Intgins fan tuttina ina nettegiada da primavaira, saja quai en chasa, en baselgia u perfina en citad. Nettegiar - però cun tge products? I vegn betg sulettamain net cun meds chemics agressivs, nus preschantain alternativas.

Tratgas da primavaira

Salata da primavaira cun carschun chaputschin. Bild in Lightbox öffnen.

Legenda da maletgs: Salata da primavaira cun carschun chaputschin. pixelio.de

La primavaira vegnan ils dis pli lungs e las temperaturas creschan plaunsieu. Tut cumenza a flurir ed i dat puspè dapli verdura e fritga frestga. Nus preschentain intginas tratgas da primavaira. Dal cuschinier Mirco Gruber, ch'è il schefcuschinier e mainafatschenta dal restaurant Giodavin a Tavau, datti ideas ed inputs tge ch'ins pudess striunar sin ils plats. Nus declerain er tge effects che l'aura e l'alimentaziun han sin noss corp e co ch'ins po manar la primavaira sin noss plats.

Metter grascha sin ils prads

26-03-2011 metter grascha.mp4

Uss ves'ins blers purs vid il metter grascha sin ils prads. RTR ha accumpagnà in pur tar questa lavur. Nus mussain l'entir process dal metter grascha. Dentant, daco crescha il pastg meglier cun metter grascha? E daco na dastg'ins betg metter grascha durant l'entir onn?

Pasca fin october - il temp dals pneus da stad

Pneus d'enviern e stad Bild in Lightbox öffnen.

Legenda da maletgs: Pneus d'enviern e stad RTR

Duas chaussas han pneus da stad e d'enviern tuttina: Els èn nairs e radunds. Mo quai è gist tut il communabel. Suenter Pasca èsi impurtant da midar ils pneus d'enviern sin ils pneus da stad, nus tradin ils motivs.