Forum cun Iso Camartin - Jenufa da Leos Janacek

Jenufa spetga in uffant da Steva, e quai avant ch'esser maridada. Quai è ina gronda vargugna en las relaziuns serradas dal vitg moravian. La madrigna da Jenufa, la calustra Buryakova, crai ch'i saja meglier da puspè laschar turnar tar il Segner l'uffant suenter sia naschientscha. Perquai najenta ella il pitschen en il lai dal vitg. La bara vegn chattada dus mais pli tard e la dunna confessa ses malfatg. Jenufa percunter, disfigurada entras in accident, chatta en Laca in partenari per ina nova vita. Leos Janacek ha lavurà quasi 10 onns vi da questa opera rusticala. Suenter decennis da lavur senza renconuschientscha ha gist l'opera Jenufa avert la fin finala las portas al success merità da quest cumponist ch'è grazia a ses idiom musical senza paregl en la musica dal 20avel tschientaner. Redacziun: Iso Camartin

Iso Camartin (RTR) Bild in Lightbox öffnen.

Legenda da maletgs: Iso Camartin (RTR)