Domat: Dumonda da demontar resgia gronda

Moviment enturn la resgia gronda a Domat. La vischnanca da Domat ha publitgà quels dis ina dumonda da bajegiar per la resgia gronda en il figl uffizial.

La Klausner Holz Thüringen po pli probabel èn bun 30 dis cumenzar cun la demontascha da la resgia gronda. Bild in Lightbox öffnen.

Legenda da maletgs: La Klausner Holz Thüringen po pli probabel èn bun 30 dis cumenzar cun la demontascha da la resgia gronda. RTR

Quella prevesa la deconstrucziun da parts dals bajetgs e la demontascha da las maschinas. Sco patrun da construcziun vegn numnà la Klausner Holz Thüringen. Sco quai che Ernst Schild, il manader da l'uffizi da construcziun da la vischnanca da Domat ha ditg a RTR, prevesa il plan era da demontar las hallas da setgentar la laina. Grev da valitar Sche tut va bain, po la Klausner entschaiver il mez zercladur da demontar ils indrizs. Sche quai vegn propi bainspert a capitar è per Beat Caluroi da l'uffizi da concurs dal district Plaun dentant betg anc ditg. Era per la regenza grischuna èsi grev da valitar, sche la dumonda da bajegiar da Klausner è da valitar sco segn positiv u segn negativ per la resgia a Domat. (gc/rtr)