Forum cun Chasper Pult - La nostalgia per il passà puril

Adina pli blers cudeschs documenteschan la lavur agricula da pli baud. Quels èn scrits per la gronda part cun affecziun e passiun da persunas che han anc duvrà sezzas ils objects purils dal passà. Ma era la scienza ha perscrutà co ch'ins fascheva per surviver avant la mecanisaziun. Dissertaziuns ed oravant tut il DRG cuntegnan infurmaziuns exactas da tut ils objects purils e da las lavurs ch'ins fascheva cun tals. Nus dain in sguard a questas duas manieras da documentar e preservar las enconuschientschas cun sfegliar il cudesch "Dal gran al pan" e cun auters exempels. Redacziun: Chasper Pult

Chasper Pult (RTR) Bild in Lightbox öffnen.

Legenda da maletgs: Chasper Pult (RTR)