Cudesch d'uffants cun l'istorgia da "Sigisbert en Rezia"

Per il giubileum da 1400 onns claustra da Mustér han Esther Hendry e Linus Flepp realisà in cudesch d'uffants cun l'istorgia da "Sigisbert en Rezia". Ina istorgia scritta da pader Maurus Carnot ch'è stada durant prest in entir tschientaner la lectura en la segunda classa. Quai cunter la veglia da la regenza grischuna da lez temp. Il chantun aveva numnadamain edì in cudesch da lectura per la segunda classa cun il num "Robinson". Als scolasts sursilvans era quella istorgia memia estra ed aveva ina tenuta memia pauc cristiana. Ils Sursilvans han dentant tegnì la dira cunter la regenza enfin che lezza ha lubì il cudesch.

Avat Vigeli Monn surpiglia ils cudeschs che vegnan regalads a la claustra. Bild in Lightbox öffnen.

Legenda da maletgs: Avat Vigeli Monn surpiglia ils cudeschs che vegnan regalads a la claustra. RTR, G. Hosang

Frontispizi dal nov cudesch. Bild in Lightbox öffnen.

Legenda da maletgs: Frontispizi dal nov cudesch. RTR, G. Hosang

La nova ediziun da la istorgia è in cudesch cun illustraziuns e cun ils texts en rumantsch, talian e tudestg. Las lavurs ch'èn vegnidas fatgas per realisar il cudesch èn vegnidas fatgas senza indemnisaziun e per ils custs da stampa han ins chattà sponsurs. Uschia va il retgav da la vendita dal cudesch cumplainamain a la claustra.