30 onns Furbaz – in'istorgia da success

Ils Furbaz èn in fenomen. Ch'i saja il KKL a Lucerna, il Kursaal a Berna u la Stadthalle a Cuira – mintg'onn vers Nadal empleneschan ils Furbaz las pli grondas hallas da concert da la Svizra. E dapi otg onns, pia dapi ch'els s'èn spezialisads sin concerts e chanzuns da Nadal, è il success anc s'augmentà.

Furbaz Bild in Lightbox öffnen.

Legenda da maletgs: Furbaz mad

Quai n'è betg casual. La carriera dals Furbaz ha cumenzà cun in concert da Nadal. Pli tard hai dà 100s da concerts da gala, success al Concours eurovision de la chancon (oz Eurovision Song Contest), pliras CDs dad aur ed ina onuraziun cun il premi Walo sco megliers artists da divertiment da l'onn. Ils Furbaz - quai èn: Marie Louise Werth, Giusep Quinter, Gion Andrea Casanova ed Ursin Defuns.

L'emissiun da giubileum Ils 5 da december 2013 da las 19.00 a las 20.00 èn ils Furbaz stads en il studio dal Radio Rumantsch ed han preschentà lur hits.

Impressiuns "30 onns Furbaz" en maletgs

Istorgias ed istorgettas or da 30 onns Furbaz

Tge vegn endament als commembers actuals dals Furbaz sch'i audan per exempel ils chavazzins "Da Cumpignia" u "La Cucagna"? Quels ed anc auters chavazzins ch'han in connex cun l'istorgia dals Furbaz han Marie Louise Werth, Giusep Quinter, Gion Andrea Casanova ed Ursin Defuns commentà.

RenderToBin_Hosang Gion - Furbaz_RTR000000265716_20131204_172225_v_webcast_h264_q10.mp4

Prix Walo 2014 per "Furbaz"

Ils Furbaz èn stads la gruppa preferida dal public. Bild in Lightbox öffnen.

Legenda da maletgs: Ils Furbaz èn stads la gruppa preferida dal public. mad

Dumengia saira, ils 18 da matg 2014 èn vegnids surdads a Turitg per la 40avla giada il Prix Walo en las differentas spartas. Ils Furbaz han gudagnà il premi dal public.