La locomotiva Hortensia von Gugelberg

Dapli in temp èsi moda da dar nums era a locomotivas e trens. Uschia ha num in dals trens ils pli novs da la Viafier retica "Hortensia von Gugelberg". Ma tgi era questa dunna e pertge tutga ses num sin in tren? Chasper Pult dat in sguard enavos en il 17avel tschientaner, en quest temp cura che Hortensia von Gugelberg pratitgava sco media da natira, sco scriptura e sco feminista da la emprim'ura. E quai nagliur auter sco a Maiavilla en il Grischun. Il magazin da cultura preschenta in "Da num e da pum" davart ina dunna che ha prestà lavur da pioniera ed ha laschà ses fastiz enfin oz. Vinavant preschentain ina nova publicaziun rumantscha: sut il titel "La glieud da Schilana" è vegnì or in'ediziun cun ils raquints da Balser Puorger. Quest ans porta enavos en il temp dals randulins en l'Engiadina a l'entschatta dal 20avel tschientaner. Redacziun: Anna Serarda Campell

Ina da las locomotivas da la Viafier retica ha survegnì il num Hortensia von Gugelberg. Bild in Lightbox öffnen.

Legenda da maletgs: Ina da las locomotivas da la Viafier retica ha survegnì il num Hortensia von Gugelberg. Collascha da A. S. Campell