Na a zona turistica Trü

Cun ina differenza da be 9 vuschs ha il suveran da Scuol refusà la revisiun parziala da la planisaziun locala pertutgant la zona turistica Trü. 274 votantas e votants han ditg na a la revisiun, 265 gea.

Areal Trü a Scuol. Bild in Lightbox öffnen.

Legenda da maletgs: Areal Trü a Scuol. ANR, M. Fontana

L'areal da la scolina Trü avess gì da vegnir transmidà en ina zona da turissem per fabricats ed implants publics. Uschia ch'ins avess suenter pudì discutar davart las pussaivladads per realisar insatge nov, per exempel in nov hotel u ina residenza per seniors. Interess multifars per areal Trü Oriundamain era ina chadaina da hotels tudestga interessada da construir in hotel da budget bass sin l'areal Trü. Pli tard èn s'annunziads ulteriurs interessents per realisar in tal project ed ina gruppa da dunnas da Scuol ha plinavant fundà ina gruppa d'interess Trü futur per realisar in center d'inscunter a Trü. La votaziun era previsa oriundamain per ils 30 da november. Pervi d'in sbagl formal da la vischnanca era quella però vegnida annullada. (rtr/ac/fa)

Vischnanca sposta la votaziun davart zona turistica "Trü"

A Scuol vegn la votaziun davart la zona turistica "Trü" spustada. La suprastanza communala da Scuol haja decis da spustar questa votaziun sin ils 21 da december, communitgescha la vischnanca.

Forsa sto la votaziun davart la midada da zonas a Trü vegnir spustada

Scuol sto eventualmain spustar la votaziun dals 30 da november davart la midada da zonas a Trü. La midada da zonas prevesess dad engrondir la zona turistica enturn il bogn liber per pussibilitar in project da hotel.

(RR novitads a las 11:00)