Battarias da reserva en l'aviun èn mo pli lubidas en la bagascha da maun

Dapi l'entschatta d'avust vala ina nova regla da segirtad per sgols civils. Battarias da reserva per apparats electronics sco p.ex. laptops, cameras ni tablets, dastgan mo pli vegnir transportadas en la bagascha da maun. Ultra da quai ston ins pachetar ellas singul ni almain tatgar giu ils pols, per ch'i na sappia betg dar in cirquit curt. L'apparat electronic cun la battaria normala dastga vinavant vegnir transportada en la valisch, ch'ins consegna al check-in.

Aviun. Bild in Lightbox öffnen.

Legenda da maletgs: Aviun. flughafen-zuerich.ch