Pli paucs visitaders malgrà dapli gruppas

Radund 2'000 persunas han visità il festival da teater grischun a Tusaun durant ils davos quatter dis. Sco quai che Lina Frei-Baselgia, la presidenta dal comité d'organisaziun ha ditg, sajan vegnidas pli paucas persunas al festival ch'avant quatter onns.

In dals puncts culminants dal Festival da teater è stà la preschentaziun "Reise um die Welt" da la scoletta, la scola primara e la scola superiura da Tusaun. Bild in Lightbox öffnen.

Legenda da maletgs: In dals puncts culminants dal Festival da teater è stà la preschentaziun "Reise um die Welt" da la scoletta, la scola... RTR, F. Belotti

Tenor Lina Frei-Baselgia haja la reducziun da visitaders probabel da far cun las differentas occurrenzas da la fin d'emna, sco per exempel la festa da chant districtuala a Salouf. Tut en tut tira la presidenta dal comité d'organisaziun dentant ina fitg buna bilantscha: "Nus essan cuntents da las gruppas ch'èn sa participadas, igl era in program variant sin aut nivel". Quai ha ella ditg envers Radiotelevisiun Svizra Rumantscha. En tut èn sa preschentadas 26 gruppas da teater a Tusaun. Quai èn sis dapli ch'il 2010. (rtr/fb)