La Val di Fiemme - geografia ed istorgia

La Val di Fiemme (Fleimstal) sa chatta en las Dolomitas, en il nordost da Trient. Ella è era ina communitad da vals da la provinzia autonoma dal Trentino. La Val di Fiemme ha ina surfatscha da 415 km² ed ina populaziun da passa 19'370 persunas. La chapitala è Cavalese.

La Val di Fiemme sa chatta en las Dolomitas. Bild in Lightbox öffnen.

Legenda da maletgs: La Val di Fiemme sa chatta en las Dolomitas. Keystone

La regiun da sport d'enviern

La Val di Fiemme, ina impurtanta regiun da sport d'enviern. Bild in Lightbox öffnen.

Legenda da maletgs: La Val di Fiemme, ina impurtanta regiun da sport d'enviern. Reuters

La Val di Fiemme è ina da las pli impurtantas regiuns da sport d'enviern en l'Italia. Ils pli enconuschents lieus èn Predazzo, Cavalese, Castello-Molina di Fiemme e Tesero. A Predazzo èn las concurrenzas da siglir cun skis ed al Lago di Tesero las cursas da passlung.

Istorgia

Antonio Stradivari ha duvrà la laina da resonanza da la Val di Fiemme. Bild in Lightbox öffnen.

Legenda da maletgs: Antonio Stradivari ha duvrà la laina da resonanza da la Val di Fiemme. Keystone

Enconuschent è ch'in mir da serra sper Tesero en la Val di Stava è rut ils 19 da zercladur 1985. Questa tragedia ha caschunà 268 morts. Dal rest han ils constructurs dad instruments da musica duvrà la laina da pign ord ils culms da la Val di Fiemme. Quai cunzunt per instruments d'artg ed ils funds da resonanza dals clavazins. Il pli enconuschent è vaira segir il constructur da gìas, Antonio Stradivari che ha duvrà la laina da resonanza da la Val di Fiemme.