Recurs cunter plan da collocaziun da la resgia a Domat

Encunter il plan da collocaziun per reglar il concurs da la resgia gronda a Domat datti dus recurs. Quai ha Beat Caluori da l'uffizi da concurs Plaun confermà al Radio Rumantsch.

Pervia da ils recurs pudess la procedura da concurs da Mayer-Melnhof avair retard. Bild in Lightbox öffnen.

Legenda da maletgs: Pervia da ils recurs pudess la procedura da concurs da Mayer-Melnhof avair retard. RTR

Il termin da recurs è scadì oz, ulteriurs recurs pon dentant anc arrivar ils proxims dis cun la posta. Quai munta che l'entira procedura da concurs pudess sa retardar. Sche la dretgira da Plaun accepta ils recurs, lura sto l'uffizi da concurs publitgar danovamain il plan da collocaziun per 20 dis. En il mender cas saja quai da quintar cun in retard da dus mais, ha ditg Beat Caluori. Crediturs vegnan repartids en 3 classas Il plan da collocaziun mussa tgi che ha tut da bun daners ord il concurs da la resgia gronda a Domat. Quai è totalmain passa 23 milliuns francs. Ils crediturs sezs èn vegnids repartids en 3 classas. Ils crediturs d'emprima classa survegnan l'emprim ils daners ord il concurs. Dabun ils pli blers daners ha la Erste Bank da l'Austria. (fc/RTR)