Inspiraziun provinza

Durant ch'intgins artists ed artistas tschertgan lur inspiraziun a Paris, New York u a Berlin, han ils quatter artists che nus preschentain chattà l'inspiraziun qua en il Grischun, en pitschens vitgs – en la provinza. Ma tge ch'els tschertgan qua è dal tuttafatg different: La "provinza" po esser lieu d'inspiraziun, lieu da recreaziun, simpel lieu da lavur u simplamain ina staziun tranter bleras autras. Mirko Baselgia, Laura Bott, Gaudenz Signorell ed Ester Vonplon raquintan da lur colliaziun fitg persunala e subjectiva cun questa cuntrada e cun la vita d'artistA en la champagna. E da la champagna giain nus lura tuttina anc en citad: Co èsi ì als auturs rumantschs a la fiera da cudeschs a Leipzig? Il Magazin da cultura ha discurrì cun Claudio Spescha che ha accumpagnà il scrivent sursilvan Leo Tuor. Redacziun: Anna Serarda Campell

Il vitg dad Ardez. Bild in Lightbox öffnen.

Legenda da maletgs: Il vitg dad Ardez. swiss-image.ch

Impressiuns da las lavurs dals artists:

Impressiuns da la Fiera da cudeschs a Leipzig: