Forum cun Iso Camartin - La desperaziun da Rigoletto

I dat amaturs da musica che considereschan "Rigoletto" sco l'ovra la pli perfetga da Verdi. Tut è da chattar en quest'opera: drama, intriga e critica sociala, dentant surtut: amur e passiun en las pli diversas constellaziuns. Ina da las arias centralas è là, nua ch'il buffun Rigoletto, che fa beffas crudaivlas sur dals auters, daventa tuttenina sez unfrenda da la malvulientscha da ses "amis" curtisans. En l'aria "Cortigiani, vil razza dannata" insulta, planscha e roga Rigoletto per sia figlia ch'ins ha sequestrà. Nus tadlain quest'aria clav cun trais chantadurs e trais orchesters differents. Redacziun: Iso Camartin

Iso Camartin. Bild in Lightbox öffnen.

Legenda da maletgs: Iso Camartin.

Indicaziuns discograficas: - Verdi: Rigoletto cun Dietrich Fischer-Dieskau, Orchesta del Teatro alla Scala, dir. Rafael Kubelik. Deutsche Grammophon 1964. - Verdi: Rigoletto cun Piero Cappuccilli, Wiener Philharmoniker, dir. Carlo Maria Giulini. Deutsche Grammophon 1980. - Verdi: Rigoletto cun Renato Bruson, Orchestra dell'Accademia Nazionale di Santa Cecilia, dir. Giuseppe Sinopoli. Philips 1984.