Las persunas davos Cologna e co.

L'equipa svizra da passlung è uschè ferma sco anc mai ils ultims 20 onns. Dario Cologna ha gudagnà il Tour de Ski ed è a la testa da la cuppa mundiala. Ina gronda part da l'equipa discurra rumantsch, numnadamain Seraina Mischol, Dario Cologna, Toni Livers, Curdin Perl, Eligius Tambornino ed il schef da l'equipa Adriano Iseppi. In onn avant ils gieus olimpics a Vancouver ha il Radio Rumantsch perquai accumpagnà l'equipa svizra al campiunadi mundial en Tschechia.

Dario Cologna Bild in Lightbox öffnen.

Legenda da maletgs: Dario Cologna Reuters

Patrick Noak, medi da l'equipa naziunala da passlung

Patrick Noak Bild in Lightbox öffnen.

Legenda da maletgs: Patrick Noak photopress.ch

Grazia al success da Dario Cologna vegn puspè discurrì en Svizra dal passlung. Il giuven jauer è il pli prominent da plirs curriders rumantschs ch'èn il mument al campiunadi mundial ski nordic a Liberec en Tschechia. Cologna, Livers, Mischol e collegas èn mintgamai tema en il sport dal Radio Rumantsch. Plinavant vegnan er preschentads quels che lavuran davos las culissas per che Cologna e cumpagnia hajan success. Oz preschentain nus il medi da l'equipa naziunala da passlung Patrick Noak.

Christian Stahl, responsabel per meds da massa tar Swiss Ski

Christian Stahl Bild in Lightbox öffnen.

Legenda da maletgs: Christian Stahl Swiss Ski

En var in'ura parta Dario Cologna per la prima cursa dal campiunadi mundial da passlung a Liberec en Tschechia. RTR ha guardà davos las culissas ed ha discurrì cun Christian Stahl, il responsabel da Swiss Ski per ils meds da massa. El procura per l'equiliber tranter atlets e schurnalists.

Adriano Iseppi, manader da la delegaziun svizra da passlung

Adriano Iseppi Bild in Lightbox öffnen.

Legenda da maletgs: Adriano Iseppi Swiss Ski

Dal campiunadi mundial da passlung a Liberec en Tschechia fa part er ina gronda delegaziun rumantscha, na be curriders sco Dario Cologna e ses collegas d'equipa. Er il manader da la delegaziun svizra da passlung che lavura davos las culissas è in rumantsch, numnadamain Adriano Iseppi.

Mario Denoth, um da service da l'equipa svizra

Mario Denoth Bild in Lightbox öffnen.

Legenda da maletgs: Mario Denoth Swiss Ski

Senza skis svelts n'ha er il meglier currider da passlung betg bunas schanzas da far ina buna plazza al campiunadi mundial da passlung a Liberec en Tschechia. Quai han ins vis dumengia passada cura che Dario Cologna e Toni Livers èn vegnids distanziads da la concurrenza perquai che lur skis tatgavan. Preparar il skis è ina scienza per sasez. Il RR ha discurrì cun Mario Denoth, in dals umens da service da Dario Cologna e l'equipa naziunala svizra da passlung.

Discurs cun geniturs d'Eligius Tambornino

Eligius Tambornino (amez) cun ses geniturs Bild in Lightbox öffnen.

Legenda da maletgs: Eligius Tambornino (amez) cun ses geniturs Fidel Alig

Al cumenzament da sia carriera dovra mintga sportist grond sustegn. Saja quai dals trenaders, dals patruns, da las scolas u dals sponsurs. Il pli grond sustegn vegn dentant dals geniturs. Il RR ha discurrì cun ils geniturs d'Eligius Tambronino.

Trond Nystad, trenader da sprint da l'equipa naziunala

Trond Nystad Bild in Lightbox öffnen.

Legenda da maletgs: Trond Nystad Photoexpress.ch

En la seria da quest'emna dal campiunadi da passlung a Liberec en Tschechia è vegnì preschentà inqual persuna davos ils atlets da passlung svizzers. Oz è il RR s'inscuntrà cun Trond Nystad, il trenader da sprint da l'equipa naziunala da passlung

Dirk Krauter, cuschinunz da l'equipa da Swiss-Ski

Dirk Krauter, cuschinunz da l'equipa da Swiss-Ski a Liberec Bild in Lightbox öffnen.

Legenda da maletgs: Dirk Krauter, cuschinunz da l'equipa da Swiss-Ski a Liberec Fidel Alig

Mangiar è impurtant per in che vul avair success en il sport. Quai san natiralmain er ils responsabels da Swiss Ski ed els han in agen cuschinunz al campiunadi mundial a Liberec en Tschechia. Dirk Krauter na cuschina però betg be per ils atlets, mabain er per ils umens da servis.