50-onns-dapi-la-mort-da-Henri-Guisan

Ils 7 d'avrigl 1960 tegna la Svizra il flad: il general Guisan è mort. 300'000 persunas van curt suenter al pli grond funeral en l'istorgia da noss pajais. La Televisiun Svizra emetta l'eveniment live da Losanna.

Il general

Chapè da l'unifurma da Henri Guisan Bild in Lightbox öffnen.

Legenda da maletgs: Chapè da l'unifurma da Henri Guisan RTR

A chaschun dal 50avel di da la mort da Guisan mussa la SRG SSR idée suisse "Il general", in film documentar d'ina ura ch'i dat en tuts quatter lungatgs naziunals. Felice Zenoni illustrescha cun blers documents originals la carriera da l'anteriur schefcumandant da l'armada svizra ed istorichers da renum analiseschan la rolla da Guisan durant la segunda guerra mundiala.

Il general Henri Guisan en il Grischun

General Guisan en in char da la Viafier retica Bild in Lightbox öffnen.

Legenda da maletgs: General Guisan en in char da la Viafier retica RTR

Il general Henri Guisan è sta il manader da l'armada svizra durant la Segunda Guerra mundiala. En questa funcziun ha el era visità pliras giadas il Grischun. Guisan è stà tranter auter a la festa dal prim d'avust ad Arosa 1940 ed al defilé da l'armada svizra a Domat 1942. La Marella va sin ils fastizs dal general svizzer, discurra cun perditgas e preschenta documents da quest temp.

Henri Guisan - mitus e realitad

Sepultura da Henri Guisan 12-04-1960 a Pully Bild in Lightbox öffnen.

Legenda da maletgs: Sepultura da Henri Guisan 12-04-1960 a Pully RTR

Avant 50 onns han 300'000 persunas assistì a Losanna al pli grond funeral en l'istorgia svizra. Ils 7 d'avrigl 1960 era mort Henri Guisan, general e simbol da la resistenza durant la Segunda Guerra mundiala. El vegniva venerà bunamain sco in sontg, en bleras da nossas stivas pendeva in purtret dal general. Dentant tge è mitus e tge è la realitad en connex cun Guisan? Co valiteschan ins oz sias prestaziuns e sia impurtanza per las Svizra durant la Segunda Guerra mundiala? L'istoricher Adolf Collenberg discurra davart il general, sia rolla e ses maletg.

General Henri Guisan en il Grischun Bild in Lightbox öffnen.

Legenda da maletgs: General Henri Guisan en il Grischun RTR