MS - la malsogna che ha milli fatschas

Mintga di survegn ina persuna la diagnosa MS - Multiple Sklerose. Ina malsogna cronica dal sistem da la gnerva. Tar mintga pertutgà sa sviluppa la malsogna auter e n'è betg calculabla. Disturbis da la vesida, sturnizi, deblezza dals musculs u depressiuns. Blers pon viver cun la malsogna quasi senza mals, per auters finescha la malsogna en la sutga cun rodas. En la marella raquintan dus giuvens pertutgads, Catrina Ardüser (22) e Nicola Janett (26). Il neurolog Serafin Beer explitgescha daco che la malsogna MS ha milli fatschas. Redacziun: Valentin Schmed

MS - la malsogna che ha milli fatschas Bild in Lightbox öffnen.

Legenda da maletgs: MS - la malsogna che ha milli fatschas RTR