Midadas pervi da la NEAT

Il Radio Rumantsch ha laschà vegnir a pled indigens ch'han gì da far en ina moda u l'autra cun las lavurs a Tujetsch. Tranter auter èn vegnids a pled l'anteriur president communal ed il president actual. Plinavant era persunas ch'abiteschan sper la deponia da material, ina deponia ch'ha emplenì la val e che dat ina nova cumparsa a la val.

Tge influenza ha la Neat gì per Sedrun

Pancrazi Berther da Sedrun. Bild in Lightbox öffnen.

Legenda da maletgs: Pancrazi Berther da Sedrun. mad

Damaun vegn il davos tschancun dal tunnel da basa da la transversala da las Alps perfurà. En vista a quai mument istoric ha il Radio Rumantsch vulì savair co il tranter plazzal da la Neat a Sedrun ha influenzà la lavur da singulas persunas. Nus avain vulì savair ,co la NEAT ha occupà il president communal da Tujetsch Pancrazi Berther. (sb/RTR, A. Monn)

24 uras il di responsabel per il bainstar culinaric

Rosa Schnoz, cantina NEAT Sedrun. Bild in Lightbox öffnen.

Legenda da maletgs: Rosa Schnoz, cantina NEAT Sedrun. RTR, S. Monn

24 uras il di e siat dis ad emna lavuran ils lavurers da la NEAT sut tiara. Els èn parti en trais squadras da mintgamai otg uras. Uschia sto la cantina da la NEAT era avair bunamain 24 uras il di insatge chaud sin la platta. Mintga di vegn i cuschinà bunamain 200 tschaveras. E dapi glaiti diesch onns maina Rosa Schnoz la cantina da la NEAT a Sedrun. (pk/RTR, S. Monn)

Co la Val Bugnei è s'emplenida tic a tic

La Val Bugnei avant Sedrun è ina deponia per il material da la NEAT. Bild in Lightbox öffnen.

Legenda da maletgs: La Val Bugnei avant Sedrun è ina deponia per il material da la NEAT. RTR, L. Livers

1'550'000 meters cubic material èn ussa deponi en la Val da Bugnei. Questa val tranter l'aclaun da Bugnei e Sedrun è ina da las deponias che per il material che vegn exchavà ord il tunnel da la NEAT. Ils vischins da Bugnei han savì observar dapi il 2003 co la val è creschida. (pk/ RTR, L. Livers)

Johanna Soliva – la madritscha da la Neat

Johanna Soliva – la madritscha da la Neat. Bild in Lightbox öffnen.

Legenda da maletgs: Johanna Soliva – la madritscha da la Neat. RTR

Sin il plazzal da bajegiar a Sedrun han ils miniers elegì ina sort "madritscha da la Neat". Johanna Soliva ha ella num. Dapi l'onn 1996 visita ella ina giada ad onn il plazzal ed il tunnel. Quai a chaschun da la messa per il miniers. Johanna Soliva s'occupa dal sanctuari da la Sontga Barla, la sontga che duai proteger ils miniers, ed ella ha er adina in'ureglia per ils lavurers. (fa)

Novas sfidas per la polizia a Mustér

Bild in Lightbox öffnen.

Legenda da maletgs:

Il post da polizia a Mustér è occupà cun 5 persunas. Quai era il post er avant ch'il plazzal da la Neat è vegnì en funcziun l'onn 1996'. Dapli capacitads n'ha è betg dà. Per il persunal ha quai giu num da lezzas uras, s'adattar a la situaziun e surprender novas incumbensas.

Inscunters en la zona d'industria

La NEAT a Sedrun. Bild in Lightbox öffnen.

Legenda da maletgs: La NEAT a Sedrun. RTR, L. Livers

La zona d'industria da Sedrun sa chatta gist sper l'areal da la NEAT. Quella zona d'industria existiva gia avant che la NEAT è sa chasada a Sedrun. Ils pli differents mastergnants, davent da la fatschenta da pignas fin tar il lavuratori da la vischnanca lavuran in sper l'auter e tuts han in vischin communabel, la NEAT. (fa)

Vegnids èn els en Tujetsch per la Neat - chattà han els l'amur ed in nov dachasa

Dapi che las lavurs vi dal tunnel da la Neat han cumenzà en Tujetsch, èn tschients lavurers vegnids en la val. Intgins han era chattà l'amur ed in nov dachasa. Uschia er Gerhard Lambrechts, el è vegnì avant 12 onns or da l'Africa dal Sid e vuleva star trais mais. Oz è el maridà cun Marianne, ina Tujetschina, ed els vivan a Sedrun (els dus èn sin la fotografia sura). Da la citad da Leipzig directamain a Dieni en Tujetsch, quella via ha la famiglia Holstein prendì. Las mattatschas Charlotte e Leonore na vulan betg pli ir davent da Tujetsch, per ellas è la val daventada lur nov dachasa ed il rumantsch lur linguatg da mintgadi. Redacziun: Esther Berther

Alfred Schmid il guid da la NEAT

Alfred Schmid, guid da la NEAT. Bild in Lightbox öffnen.

Legenda da maletgs: Alfred Schmid, guid da la NEAT. RTR, A. Monn

Dapi 11 onns accumpogna Alfred Schmid visitadras e visitaders en la galaria da la NEAT a Sedrun u giu en il tunnel da basa. El è uschia da dir in guid da la NEAT. Tut en tut hajan quai da 330'000 persunas visità il center d'infurmaziun da la NEAT a Sedrun e circa la mesadad da quellas hajan visità il plazzal, pia la galaria u il tunnel da basa 800 meters en la profunditad, uschia Schmid. E perquai ha Schmid er bler da raquintar. (gc)

Ils lavurers da la NEAT èn buns clients

La stizun dal Coop a Sedrun. Bild in Lightbox öffnen.

Legenda da maletgs: La stizun dal Coop a Sedrun. RTR, S. Monn

Umens da bunamain diesch differentas naziunalitads lavuran dapi 12 onns sin il plazzal da la Neat a Sedrun. Differentas culturas, differentas disas e differentas spezialitads culinaricas s'entaupan qua. Per cuschinar lur tratgas han ils lavurers da la NEAT savens fatg visita a las stizuns dal Coop e dal Denner a Sedrun. Quellas n'han dentant betg stuì midar il sortiment. (pk)

Lavurants da la Neat han pauc interess d'emprender rumantsch

Il dicziunari dal Pledari grond. Bild in Lightbox öffnen.

Legenda da maletgs: Il dicziunari dal Pledari grond. RTR

Sin il plazzal da la Neat lavura blera glieud e mo pacs vulan emprender rumantsch. Ina che ha dà curs da rumantsch a lavurers da la Neat è Lea Berther da Tujetsch/Surrein. Il motiv principal pertge ch'insatge ha vuli emprender rumantsch saja per savair s'integrar en il vitg. Tenor sia experientscha gartegia quai dentant mo mez. (cl)

Gieri Albin sa regorda da la NEAT

neat, porta alpina Bild in Lightbox öffnen.

Legenda da maletgs: neat, porta alpina RTR

Ils 15 d'october è in di istoric. Alura vegn il tunnel da basa da la transversala da las Alps perfurà definitivamain. En vista a quai di ha il radio rumantsch vulì savair, co il tranter-plazzal da la Neat a Sedrun ha influenzà la vita e lavur da singuls acturs. Gieri Albin è stà enfin il 2009 correspundent dal Radio Rumantsch per la Surselva. Il project da la NEAT ha fatschentà Gieri Albin davent da las emprimas discussiuns enfin a sia pensiun. (fb)

Co ha la Neat influenzà la vita a Sedrun?

La vischnanca da Sedrun. Bild in Lightbox öffnen.

Legenda da maletgs: La vischnanca da Sedrun. ANR, H. Huonder

Il Radio Rumantsch ha vulì savair, co ch'il plazzal da la Neat a Sedrun ha influenzà la vita e lavur da singuls acturs. Placi Berther è stà president communal da Tujetsch dal 1993 enfin il 2005. Durant quai temp ha il project da la transversala fatschentà fermamain el, ed el ha gì bain inqual inscunter ch'el n'avess betg gì senza quai project. (fb)

Fasa decisiva per la NEAT

La maschina per furar en il vest da la NEAT. Bild in Lightbox öffnen.

Legenda da maletgs: La maschina per furar en il vest da la NEAT. Keystone

Il project da la nova transversala da las alps NEAT, è en ina fasa decisiva. Il mez d'october vegn il tunnel da basa dad Erstfeld a Bodio perfurà. Quai di vegn festivà da mordio sin ils differents plazzals da la NEAT. Envidà èn osps da lunsch e da manaivel. La festa principala ha lieu a Sedrun. RTR na vul dentant betg mo rapportar da quai di. Davent dad oz rapportain nus regularmain da la NEAT. (fb)