Center da sport e cultura sto vegnir sanà

Avant passa 30 onns è il Center da sport e cultura a Mustér vegnì construì. Entant ch'ils plazs enturn ils bajetgs èn vegnids sanads, èsi vegnì fatg pauc vid ils bajetgs sezs.

Suenter passa 30 onns dovran ils bajetgs dal Center da sport e cultura ina sanaziun. Bild in Lightbox öffnen.

Legenda da maletgs: Suenter passa 30 onns dovran ils bajetgs dal Center da sport e cultura ina sanaziun. RTR, L. Livers

Tenor Roger Tuor, il president da la cumissiun da manaschi dal Center da sport e cultura, èsi ussa nairas uras da sanar quels. Ord quest motiv vegn laschà elavurar concepts per la sanaziun. Concepts per la sanaziun In concept duai mussar quant che la sanaziun dals bajetgs custa. Sin fundament da quai po la sanaziun vegnir partida en etappas e tut tenor sto vegnir dumandà il pievel per credits. In auter concept duai mussar tge ch'ins pudess porscher nov. Quai era cun ponderar co ch'ins pudess trair a niz las localitads vitas. Ils ultims onns èn numnadamain il local da pumpiers sco era las hallas da l'Uffizi forestal vegnidas vitas. Ils concepts duain esser avant maun sin la fin da l'onn.

Sanaziun cumenza gia proximamain

Sco quai che Roger Tuor ha ditg ad RTR, datti gia quest onn lavurs da sanaziun. Las duschas e las gardarobas da la halla da gimnastica duain vegnir sanadas. Quellas sajan en in fitg nausch stan. Questa sanaziun vegnia a custar var 150'000 francs, ha Roger Tuor ditg. (rtr/gh)