La savur da l'amur

La savur da l'amur - giuventetgna e sexualitad "Has ina amia – in ami?" "Has gia fatg l'amur?" – u per duvrar ils pleds dals giuvens – "has gia ficcà?" Sex interessa pli e pli giuvens. Pli baud era sex in putgà – oz han ins mintgatant l'impressiun ch'i saja in sforz. Il temp da l'emprima amur è ozendi bler pli baud che antruras - e l'interess per far sex è omnipreschent. Sex influenzescha il pensar, decida la vestgadira ed il sa cuntegnair dals giuvens.

Titel dal film "giuventetgna e sexualitad" Bild in Lightbox öffnen.

Legenda da maletgs: Titel dal film "giuventetgna e sexualitad" TvR

La Televisun Rumantscha ha dumandà ils giuvens

Bitschar Bild in Lightbox öffnen.

Legenda da maletgs: Bitschar TvR

La TvR è viagiada tras il Grischun per vegnir a savair tge che giuvens e giuvnas pensan da sex e tge ch'i san da quai. L'autura dal film, Susanna Fanzun, ha dumandà els davart gusts e preferenzas, prevenziun e sida, drogas e pornos. Plinavant ha ella vulì savair co che l'emprima giada è stada. En l'emissiun discurran giuvens e giuvnas tranter 13 e 25 onns.

Emissiun speziala cun microfon avert a chaschun dal film "giuventetgna e sexualitad"

Dunna Bild in Lightbox öffnen.

Legenda da maletgs: Dunna TvR

"Ficcar, popar, bumbsar, futar". Surpassa la giuventetgna ils cunfins? È lur cumportament sexual bun per els e lur conturn? Il RR ha envidà ad ina discussiun mardi, ils 22 da matg 2007 da las 11.00 fin las 12.00 uras. Philipp Ramming ha respundì sco persuna dal fatg las dumondas dad audituras ed auditurs.

TvR obtegna premi per il film "Giuventetgna e sexualitad"

Galaria da fotos Bild in Lightbox öffnen.

Legenda da maletgs: Galaria da fotos RTR

Il film "Giuventetgna e sexualitad" da la Televisiun Rumantscha obtegna il segund premi da schurnalissem da l'agid da Sida svizzer. Il film da Susanna Fanzun, Peter Kreiliger e Mirco Manetsch vegn premià questa saira. Igl è la segunda ediziun dal premi per schurnalists che rapportan da maniera speziala davart ils temas HIV e sida.