Rir fa bain - tut serius

Rir na fa betg mo bain, rir è era sanadaivel. Rir schlargia l'orizont dal spiert, schlucca l'olma ed intensivescha diversas funcziuns dal corp. L'emprima dumengia da matg è il di mundial dal rir. A Turitg datti ina Lachparade quest di ed era en blers auters lieus sin il mund s'entaupan carstgauns per rir da cuminanza. En la marella quintan trais persunas dal rir: il cabarettist Flurin Caviezel, la dunna clown Margarita Candrian (foto) e la trenadra per rir Jolanda Casutt. Ins po emprender da rir, di la trenadra, schizunt sch'ins n'ha nagut da rir. Rir, punctuescha ella, è in linguatg universal. Redacziun: Maria Cadruvi

Rir fa bain - tut serius Bild in Lightbox öffnen.

Legenda da maletgs: Rir fa bain - tut serius RTR