10 onns "Casa Immanuel"

L'onn 2004 è Verena Wurster, l'inizianta da la "Casa Immanuel", vegnida en Surselva cun in valisch plain ideas. Ussa, 10 onns pli tard, è la fundaziun "Casa Immanuel" a Castrisch ina chasa che porscha agid solidar a persunas ch'èn en miseria persunala. Quai ch'era ina cussegliaziun en pitschna rom è ussa in'instituziun cun 20 collavuraturs e collavuraturas.

Agid per la vita vegn purschì en questa chasa dapi 10 onns. Bild in Lightbox öffnen.

Legenda da maletgs: Agid per la vita vegn purschì en questa chasa dapi 10 onns. RTR, L. Livers

Tranter Glion e Castrisch, ils mulins, là sa chatta la "Casa Immanuel". Ina chasa d'abitar cun in bajetg annex e dasperas in clavà, tut en il medem tun in miaivel oransch. En tut dat ti 19 plazs per persunas che tschertgan agid. Accumpagnads vegnan las persunas che visitan ils curs en la "Casa Immanuel" da 20 collavuraturs. Reproschas dad esser ina secta La "Casa Immanuel" è ina sort clinica che porscha agid encunter las malsognas modernas che vegnan dal stress, L'entira purschida è fundada sin basa cristian-sociala, e forsa ha la "Casa Immanuel" perquai adina puspè da cumbatter cun la reproscha dad esser ina secta. Verena Wurster na lascha betg valair quella reproscha, els na fetschian betg dependent las persunas che tschertgan agid.(rtr/ll)