Forsa sto la votaziun davart la midada da zonas a Trü vegnir spustada

Scuol sto eventualmain spustar la votaziun dals 30 da november davart la midada da zonas a Trü. La midada da zonas prevesess dad engrondir la zona turistica enturn il bogn liber per pussibilitar in project da hotel.

La suprastanza ha dentant terminà memia prest la votaziun ed uschia n'èn betg tut las posiziuns inoltradas durant la procedura da participaziun publitgadas en la missiva. Jürg Arquint, abitant da Scuol, ha inoltrà ina posiziun betg publitgada ed el vul ir enfin avant dretgira sche la suprastanza na sposta betg la votaziun. Vischnanca sto ponderar co ir vinavant La vischnanca sto ussa examinar sche ins vul spustar la votaziun. Il president communal ha ditg envers RTR, ch'ins na valiteschia betg sco substanzialmain decisiva questa objecziun per manar atras la votaziun. Picant è che Arquint è in dals iniziants dad in auter project da hotel a Scuol che stat en concurrenza cun il hotel planisà a Trü. (rtr/ds/sh)