Marco Camenisch sto restar en praschun

Il terrorist grischun Marco Camenisch sto restar en praschun, quai malgrà ch'el ha sesì giu 2/3 da ses chasti. Il Tribunal federal a Losanna ha confermà la decisiun da l'Uffizi d'execuziun giudiziala dal chantun Turitg.

Marco Camenisch, in adversari militant da l'energia atomara. Bild in Lightbox öffnen.

Legenda da maletgs: Marco Camenisch, in adversari militant da l'energia atomara. Keystone

Era sche la lescha prevesa da relaschar sentenziads suenter ch'els han sesì giu 2/3 dal chasti, na cuntrafetschia ussa questa decisiun betg al dretg federal. Tar Camenisch sajan numnadamain las prognosas nauschas ch'el commettia puspè delicts che sajan motivads politicamain, ha il Tribunal federal argumentà. Il delict da Camenisch Camenisch, che cumbattiva l'energia atomara, aveva avant 35 onns laschà explodir lingias d'auta tensiun. Sinaquai era el vegnì sentenzià a 10 onns chasaforz. Il 1981 ha Camenisch pudì fugir da la praschun. 10 onns pli tard ha la polizia taliana arrestà el e sentenzià el a 12 onns praschun. Sentenzia pervi da mazzament Suenter che Marco Camenisch è stà bun 12 onns en ina praschun taliana, ha il pajais extradì el a la Svizra. In'anteriura dretgira turitgaisa ha lura sentenzià el supplementarmain ad 8 onns praschun, quai pervi d'avair mazzà in guardia da cunfin a Brusio. (sda/fc)

(RR novitads a las 15:00)