Ils QR codes na consistan dentant betg mo da lingias gulivas ina sper l’autra mabain da blers quadrels. Quels codes vegnan duvrads pli e pli savens per reclamas u gasettas per porscher in link cun ulteriuras infurmaziuns.
Uschia funcziuni
Voss telefonin (smartphone) u tablet sto avair ina camera ed i sto esser installà ina applicaziun che po decodar ils codes. Tar ils iPhones chatt’ins talas applicaziuns en il App Store, per telefonins cun Android en il Market. Las applicaziuns èn per il pli gratuitas.
Lura èsi mo anc d’activar l’applicaziun e da visar cun la camera dal telefonin il code e fotografar quel. Suenter s'avra la pagina d’internet.
