Siglir tar il cuntegn

Header

Schweizerische Erhebungsstelle für die Radio- und Fernsehabgabe für Privathaushalte
Legenda: serafe Schweizerische Erhebungsstelle für die Radio- und Fernsehabgabe für Privathaushalte mad
cuntegn

Recepziun Taxa da recepziun per radio e televisiun

A partir dal 1. da schaner incassescha la Serafe SA la taxa da radio e televisiun.

A partir dal 1. da schaner 2019 remplazza ina taxa independenta dals apparats la taxa da recepziun actuala (Billag). La nova taxa per radio e televisiun importa nov a 365 francs per chasada privata ad onn. Mintga chasada privata e mintga interpresa cun sedia en Svizra è suttamessa a la taxa. I n'emporta betg, schebain insatgi retschaiva ils programs da radio e televisiun via satellit, antenna u internet – ed era betg tge gener d'emissiuns ch'ina persuna consumescha.

In'interpresa cun ina svieuta da passa 500 000 francs paja tut tenor svieuta tranter 365 e 35 590 francs per onn. Il Cussegl federal decida davart l'autezza e la repartiziun da las taxas.

La SRG SSR porscha programs da radio e televisiun per incumbensa da la publicitad: il service public. Ella serva exclusivamain a la communitad e n'ha betg la mira da far in gudogn. La SRG SSR sa finanziescha per gronda part d'entradas da taxas, però era da contribuziuns da sponsurs, da propaganda e d'autras entradas commerzialas. Ella survegn taxas per ademplir l'incumbensa dal cussegl federal: producir e derasar programs da radio e televisiun equivalents per l'entira Svizra en tut las quatter linguas naziunalas. Questas taxas vegnan incassadas da l'interpresa Serafe SA, il link avra en ina nova fanestraavrir en il browser.

Artitgels legids il pli savens

Scrollar a sanestra Scrollar a dretga