Siglir tar il cuntegn

Animals e natira Surmiran Legra schlittada

Legra schlittada

ir cun la scarsola
Legenda: ir cun la scarsola Pixabay

Vard’or scu tgi neiva e neiva,
las minas at soltan anturn.
Stò se e bandunga la steiva
e solta er te pigl conturn.
A spessa ed ota navada, suonda la legra schlittada,
a spessa ed ota navada, suonda la legra schlittada.

Vard’or scu tgi boffa e beischa,
la boffa e scou'igl terratsch.
Staschung e cun barba tot meischa
starmaintas te fors’igl mattasch?
Scadagna pir, beischa vilada, betg fermas te legra schlittada,
scadagna pir, beischa vilada, betg fermas te legra schlittada.

Vard’or scu tgi schela e schela,
fanestras fluerschan schi bagn.
Levign croda fegna garnela,
igl freid fò la punt sur igl ragn.
Navaglia e beisch’e schalada, e viva la legra schlittada,
navaglia e beisch’e schalada, e viva la legra schlittada.

(igl cumpogn, Codesch da canzungs, Ediziun: Uniun rumantscha da Surmeir, 1987)