Siglir tar il cuntegn
Inhalt

Famiglia e passatemp Surmiran Igl fridel

Igl fridel

roda da filar
Legenda: roda da filar Pixabay

Bleras gia ve digl fridel mamma glign filava,
lang’e tgoven segl canel ouras or rudlava.
Segl banc pigna durmanto pôss’igl giat e rontga;
segl fridel vign bagn filo fignen seira sontga.

Scu la spola fò buttatsch, feil sen feil sa pleia,
e midond allour’igl bratsch mamma pains uscheia:
seias brav e dilligent, sez filo tassia,
chegl è cler ed evident, dat en bung vistgia.

Chegl am ò la mamma detg, sen igl mies adia,
sung alloura losch scu’n rètg or pigl mond partia.
Va gusto pang ester, asch, va luvro sarvia,
cun premura e curasch ma fidond sen Dia.

(igl cumpogn, Codesch da canzungs, Ediziun: Uniun rumantscha da Surmeir, 1987)