Siglir tar il cuntegn
Inhalt

Son Niclà e Nadal Surmiran Dorma, dorma, o Bambign

Dorma, dorma, o Bambign

stalla da Nadal
Legenda: stalla da Nadal Pixabay

Dorma, dorma, o Bambign, Rètg divin,
dorma, dorma unfantign!
Pôssa, Rètg digl tschiel, mievel,
glorious, grazious, tresor custevel!

Partge bragias, tger unfant? An ties plant
saintas freid, te Totpussant?
Dorma, tg’ia am dung fadeia
d’at scaldar, delectar cun mi’carezza.

Vot gio ossa ampruar d’andirar,
per saveir la crousch purtar?
Dorma, partge prest vign l’oura
da piteir e mureir scu noss Spindrader.

Clod’igls îgls, te bela flour, doltsch’amour,
Da mi’orma igl Signour!
Pôss’anc oz, da nign tradia!
Sen igl strom dorma lom, te Fegl da Dia.

(Cantagn, Tgesa editoura cantunala per stampats e meds d’instrucziun Coira 1982, Canzung populara surmirana. Text adatto da Duri Loza)