Siglir tar il cuntegn

Versets e poesias (Surmiran) Aura

Aura

Plova, plova plievgia
Legenda: Plova, plova plievgia Pixabay

Plova, plova plievgia
Plova, plova plievgia,
plov’anfignen gievgia,
gievgia teirigl se,
bel’ ora vendarde,
e sonda bagn marvegl
ans dat puspe suglegl.

(Cantagn: Tgesa editoura cantunala per stampats e meds d’instrucziun Coira 1982, text popular, musica Hans Dosch)

I plova
I plov’e plova plievgia
I plova fignen gievgia
E venderde sa teirigl se
E sonda vagnsa en bel de.

La neiv
Segl dies dalla seiv
sa platga la neiv,
ma chel tgazzer suglegl
Scolda gio da marvegl
e liva la neiv
davent dalla seiv -
e la seiv bel suletta
spetg’ena neivletta
tgi platga la neiv
puspe sen la seiv.

Corr’igl neivel vers Tavo
Corr’igl neivel vers Tavo,
teir’igl tgar ainten clavo.
Corra’l vers la Nagiadegna,
vainsa l’ora bela, fegna.

Tgetschen dalla dumang
Tgetschen dalla dumang
l’ava giu pigls mangs.
Tgetschen dalla seira
fò bela tscheira

(Tgimirolas: Hoppaheias, versets e canzungettas, Lia Rumantscha, Cuira 2011)